Wisuda ka 63 UIN SGD Bandung Ngahasilkeun 485 Lulusan
Dina poe Ahad 24 Januari 2015 Universitas Islam Negeri (UIN) Sunan Gunung Djati (SGD) Bandung ngalaksanakeun Wisuda ka 63 ngahasilkeun 485 lulusan. Sajumlah lulusan ngawengku 414 lulusan program sarjana,56 lulusan Program Pasca Sarjana jeung 15 lulusan program doktor diwisuda Rektor UIN SGD Bandung Prof.Dr.Mahmud M.Si lumangsung di Gedong Multi Purpose kampus Jl.A.H.Nasution No.105,Cibiru Bandung.Tina sajumlah lulusan kapeto aya 3 lulusan mibanda prestasi panghadena nyaeta Lismiati Sholihah,S.UD ti Program Studi Tasawuf Psikoterapi Fakultas Ushuluddin Indek Prestasi Kumulatif (IPK) 3,76,Yuyun Widara,SH ti Program Studi Ilmu Hukum Fakultas Syariah & Hukum IPK 3,72, Sopiyulloh,S.Pd.I ti Program Studi Pendidikan Agama Islam Fakultas Tarbiyah & Keguruan IPK 3,69.
Dina biantarana saperti diberitakeun Koran Giwangkara rektor lian ti ngawilujengkeun ka para lulusan oge peupeujeuh ngingetan yen bangsa Indonesia geus ngadagoan karya-karya inovatifna para lulusan. Kukituna para lulusan tong poho salawasna mibanda karakter hade (giving the best) dijiwai akhlak budi pekerti mulia. Implementasikeun wejangan Susuhunan Prabu Gunung Djati nyaeta : “ Ilmu iku tan pasthi neng janma luhur,singgih lan sepuh ; ana nugraha pribadi terkadhang ana wong anom “ sangkan para lulusan leuwih percaya diri. Tunjukeun ka balarea yen “ Santri Sunan Gunung Djati “ disagireun pinter turta mibanda pangaweruh,akhlak hade,jujur tanggung jawab,adil,peduli,visioner sarta silih tulungan sauyunan.“ Salaku calon-calon pemingpin nasional.regional nyakitu deui global para lulusan salawasna kudu ngajegkeun ajen kahadean,bebeneran sarta karahmatan sosial pikeun masarakat,bangsa jeung nagara “.pokna.
Mahmud dina ieu kasempetan oge ngebrehkeun ngeunaan niat rek ngamekarkeun “ Kampus Ilmuwan Religius” rencana opat taun kahareup nu diharepkeun bisa ngaronjatkeun daya saing lulusan Perguruan Tinggi Keagamaan Islam sacara umum khususna UIN SGD Bandung. Di taun 2016 ayeuna rek ngabebenah struktur kampus sangkan leuwih modern jeung profesional.Sakabeh sistem.boh akademik nyakitu deui administratif rek dintegrasikeun dina jaringan daring (on line) . “ Hal ieu bakal lancar,efektif efisien saupama Sumber Daya Manusia (SDM) na mimiti para pejabat di rektorat nepi ka tukang ikat diktat digawe sacara soson-soson ,iklash ,profesional.” Ceuk Mahmud..Saberesna bebenah ieuceuk Mahmud di taun 2017 bakal fokus ngagarap UIN SGD Bandung ka level provinsi jawa barat.Gawe bareng jeung pemerintah di tingkat provinsi rek terus ditingkatkeun.
Sedengkeun target kultur sejenna insyaallah bakal digarap di taun 2018 ngawengku prodi-prodi keagamaan di Fakultas Syariahj,Ushuludin,Adab sacara teologis kudu ngarojong kagiatan penelitian dosen jeung mahasiswa. Oge prodi-prodi umum di Fakuktas Sains & Teknologi,Psikologi jeung FISIP sacara metodologis kudu nguatan riset-riset di fakultas keagamaan ku kaidah kailmuan nu bener.(stientific approach) sangkan hentu terbelengu kana dogma-dogma jeung ideologi kaagamaan nu sempit. Fakultas Tarbiyah & Dakwah sacara didaktis strategis nyebarluaskeun/mempelajarkeun ka peserta didik jeung masarakat ku sagala timuan ilmu umum jeung agama leuwih progresif turta pencerahan..Jadi respon UIN SGD Bandung ku pengintegrasian sektor penelitian jeung sektor pendidikan tingi sacara mikro ngaberdayakeun turta nyiptakeun silih tukeur sumber daya jeung kapakaran di antara fakultas nu Aya. “ Oge sacara makro ngaharmoniskeun antara kailmuan jeung kaagamaan nyaeta ngarobah cara berpikir umat islam tina dogmatis jadi ilmiah sarta “ngaislamkeun” hate para ilmuawan ku aqidah nu lempeng jeung akhlaal karimah “.ceuk Mahmud.(Suherman.S).-
