Pangheulana Ngayakeun RAT Koperasi Mimitran Mibanda Komitmen Jadi Koperasi Sehat Jeung Kuat
Koperasi Mimitran salaku Koperasi Simpan Pinjam anggotana pendidik,tenaga kependidikan sarta para purnabakti di lingkungan kecamatan Sukasari kota Bandung mibanda komitmen pikeun jadi koperasi sehat jeung kuat sarta bersih tina sagala rupa masalah ngarumpak kana Anggran Dasar (AD) turta Anggaran Rumah Tangga (ART) jeung aturan. Hal ieu ditetelakeun Ketua Koperasi Mimitran H.Nanan Warya dina biantarana Rapat Anggota Taunan (RAT) taun buku 2015 Periode 2014-2016 nyokot tema “ Sinergitas Kinerja,Disiplin Dan Profesionalitas Pengurus Anggota Merupakan Unsur Utama Terwujudnya Koperasi Sehat Mandiri Dan Kompetitif “ lumangsung Kemis 31 Desember 2015 di rohangan SDN Isola 1, 2 Jln.Gegerkalong Girang No.12 Bandung.
Dina ieu kasempetan dijejeran Wakil Ketua : Wasis Aji Budhi,S.Pd,Sekretaris : Drs.Dodi Gondowarsito,Wakil Sekretaris: Iwan Herdiawan,Bendahara: Hj.Cucu Solihat, Karyawan : Iwa Setiawan, Ketua Pengawas Merangkap anggota : Drs.Kamil,Anggota Pengawas : Suhermat Wisastra jeung A.Zakaria,S.Pd,M.Si sarta diluuhan Kepala Bidang Kelembagaan & Pelayana Dinas Koperasi UKM Perindag kota Bandung Hj.Eulis Karmani,SE,MM, Pengurus Dekopinda Kota Bandung Drs.Asep Supriatna jeung Pengurus PKPRI kota Bandung Muhamad Arifin. Numutkeun Nanan Warya saperti diberitakeun Koran Giwangkara salaku koperasi primer geus ditetepkeun jadi koperasi panghadena di kota Bandung taun 2011 salawasna mibanda komitmen pikeun jadi koperasi sehat jeung kuat sarta mertahankeun prestasina ku sagala cara. Ditilik tina kagiatan usahana cukup sehat katangen tina kagiaatan struktur permodalan sarta kauntungana di taun 2015 hasil usahana ngaleuwihan target tina rencana Rp.750.000.000,- realisasina meunang Rp.762.093.060,- . Nyakitu deui Sisa Hasil Usaha (SHU) tina target Rp.54.864.4000, – realisasina Rp.57.477.820,- sarta assetna asalna Rp.3.591.861.452,- jadi Rp.3.788.360.355,-.“ Kukituna simkuring ngadugikeun syukur Alhamdulilah ka Allah SWT koperasina dina kaayaana sehat nu tangtuna ku ayana gawe bareng hade antara pengurus,pengawas jeung 292 anggota nu dipibanda ngarupakeun modal dina ngajaga Koperasi Mimitran sangkan salawasna sehat jeung kuat “.pokna.
Sedengkeun Asep Supriatna dina biantarana mere apresiasi ka Koperasi Mimitran, Pihakna sacara pribadi jeung kalembagaan Dekopinda kota Bandung ngaapresiasi ka Koperasi Mimitran dianggap pannggorejagna ,kulantaran tina sajumlah koperasi di kota Bandung atawa mungkin wae di provinsi Jawa Barat nu pangheulana ngalaksanakeun RAT nyaeta Koperasi Mimitran,pas tutup buku 31 Desember 2015 langsung harita keneh ngalaksanakeun RAT,jadi tepat pisan,hal ieu nandakeun koperasina sehat. Dina ieu kasempetan ngahaturkeun nuhun ka para pengurus sarta anggota nu geus ngalahirkeun prestasi ieu. Nyakita deui biantara Hj.Eulis Karmani nu intina pihak Dinas Koperasi UKM Perindag kota Bandung ngadugikeun hatur nuhun sarta ngiring bingah ka Koperasi Mimitran kulantaran geus ngalaksanakeun RAT tepat waktu sarta pangheulana ngayakeun RAT di kota Bandung ku kituna Dinas Koperasi UKM Perindag kota Bandung mere apresiasi pangajen ka Koperasi Mimitran peunteunna 100. “ Koperasi Mimitran geus hade ngokolakeun koperasina,perlu terus dipertahankeun ku cara terus mere pelayan maksimal ka anggota koperasi kulantara tujuan koperasi nyaeta ngaraharjakeun anggotana”.ceuk Eulis Karmani (Suherman.S).-
