Uninus Geus Nuju Kana Tumuwuhna Mibanda Kualitas

Rektor Universitas Islam Nusantara (Uninus) Dr.H.Suhendra Yusuf ,MA netelakeun Uninus kiwari terus ngabebemah diri ngaronjatkeun mutu dina sagala rupa aspek penyenggaraan pendidikan tinggi . “ Simkuring sadar yen lumangsungna institusi pendidikan tinggi kacida gumantung kana the quality of growt atawa kualitas tumuwuhna turta sustained growth nyaeta tuluy mekar “.pokna saperti diberitakeun Koran Giwangkara dina biantarana Sidang Terbuka Senat Wisuda ka 61 Taun Akademik 2017/2018 lumangsung Saptu 26 Agustus 2017 di kampus Jl.Soekarno-Hatta No.530 Bandung. Aya 798 lulusan diwisuda ngawengku Sarjana (S1 ti ) fakultas ekonomi,Hukum,Keguruan & Ilmu Pendidikan,Teknik,Pertanian,Ilmu Komunikasi, Agama Islam jeung ti Pascasarjana Magister(S2) sarta Doktor (S3) nu dina kasempetan diluuhan Ketua Badan Pengurus Yayasan Islam Nusantara ,LetJen (Purn) H.Achmad Roestandi,SH, Wakil Ketua Ikatan Allumni Uninus Aa Tarsono,SH,MH nyuluran Ketua Dr.H.Danny Kusumapraja,SH,M.Hum, Ketua PanitiaWisuda nu oge salaku Wakil Rektor I Dr.H.Husen Saeful Insan,M.M.Pd sarta rengrengan senat civitas Akademika.

Numukeun Suhendra Yusuf Alhamdullilah ku giat ayana gawe bareng sakabeh civitas akademika Uninus turta ayana bantuan ti sababaraha pihak mekarna instusional Uninus geus nuju kana tumuwuhna mibanda kualitas katangen tina sababaraha indikator ,diantarana wae katedunna rasio dosen-mahasiswa nu ideal,kaudagna kualifikasi akademik dosen luyu jeung standar nasional turta ngaronjatna jumlah dosen mibanda sertifikat kompetensi, nyakitu deui beuki nambahanna kualitas jeung kuantitas riset jeung pengabdian ka masarakat oge kacumponanna sababaraha parameter tata kelola perguruan tinggi hade (Good University Governance). Ku beuki tuluy tumuwuh mekarna Uninus ,kaperantenan masarakat ka Uninus ti waktu ka waktu beuki hade di situasi saingan beuki beurat di dunya pendidikan tinggi kiwari .Kapercantenan ti masarakat ieu teh katembong tina jumlah mahasiswa nu terus nambahan sacara signifikan. Nyakitu deui beuki loba nu ngajalin mitra jeung Uninus.Salila sataun kahareup pihakna keur ngadidik 33 urang sarjana SM3T asalna ti Gorontalo jeung NusaTenggara Timur dina Program Pendidikan Profesi Guru (PPG) Sub Rayon Sertifikasi Guru Jawa Barat. Pon kitu deui Uninus dipercanten pikeun nyalurkeun sagala rupa bantuan ti sagala rupa sumber,Uninus jadi partner pikeun Kemedikbud,Kemenag,nyakitu deui Pemerintah Daerah,Pemerintah Provinsi Jabar dina ngaronjatkeun kualitas SDM Jabar ku ngaliwatan sagala rupa program.

Sarta katembong oge tina loba prestasi mahasiswana boh widang olah raga tenis meja,sepak bola,panahan di PON Jawa Barat,Liga Mahasiswa Jawa Barat jeung antar perguruan tinggi nyakitu deui widang kaagamaan Salman ti Fakultas Agama Islam (FAI) juara MTQ tingkat Asean taun 2015. Ketua Badan PengurusYaysan Islam Nusantara Achmad Roestandi dina biantarana ngolongan biantara rektor sapagodos ngaenyakeun Uninus keur ngabebenah diri dina sagala rupa aspek penyelenggaraan “ Alhamdullilah simkuring mimiti ninggali jeung ngarasakeun yen manajemen Uninus keur tuluy tuluyan ngalakukeun rancang ulang sistem jeung proses pendidikan ku cara ngomean sagala rupa aspek sacara komprehensif .kaasup tina sisi kurikulum,pendekatan jeung metode pengajaran. “.pokna. Achmad Roestandi ngajentrekeun tina sisi kurikulum, sababaraha program studi mimimiti ngamekarkeun kurikulumna relevan nyaeta ditujukeun pikeun nyumponan kabutuhan praktek manajerial. Nyakitu deui nu aya kaitannajeung metoda pengajaran,geus jadi kasadaran sarerea yen Uninus kudu ngahasilkeun lulusan mibanda kualitas paham kana konsep judgement sarta kaparigelan proses ngarah kana ngamekarkeun profesi. “ Saupama pemahaman jeung kasadaran ieu geus terus dimekarkeun turta dipiara sacara konsisten,Insya Allah bakal jadi PTS nu dibalitungkeun di mangsa nu bakal datang.(Suherman.S).-