Koperasi Mimitran Picontoeun Pikeun KPRI Di Kota Bandung
Koperasi “ Mimitran” nyaeta koperasi simpan pinjam pendidik jeung tenaga kependidikan sarta oge aya para purnabakti di lingkungan Dinas Pendidikan kecamatan Sukasari kota Bandung. Ti mimiti ngadegna 5 Januari 1977 geus ngalaman 13 periode kapangurusan turta geus ngalaksanakeun 37 kali Rapat Anggota Taunan (RAT) kaasup rapat ngabentuk pengurus jeung pengawas. Ditilik tina umur geus loba cukup pangalaman dina ngawangun perekonomian karakyatan,sok sanajan geus majad terus bebenah narekahan ngaronjatkeun ngaraharjakeun anggotana turta ngamekarkeun usaha koperasi luyu jeung visina ngawujudkeun koperasi mimitran jadi koperasi inovatif,mandiri,raharja sarta misi koperasi mimitran ngaronjatkeun peran serta anggota dina sagala kagiatan,ngaronjatkeun perangkat koperasi jeung ngaronjatkeun permodalan sacara swadaya anggota. Kitu ditetelakeun Ketua Koperasi Mimitran Periode-2014-2016 H.Nanan Warya dina biantarana waktu acara RAT lumangsung Senen 5 Januari 2015 di Gedong Kartika II Jl.Pak Gatot II KPAD Gegerkalong kota Bandung. Kagiatan acara RAT nyokot tema “Peran Serta Anggota Yang Disiplin dan Profesionalisme Pengurus,Merupakan Modal Utama Dalam Mewujudkan Koperasi Mimitran Menjadi Koperasi yang Inovatif Mandiri dan Sejahtera’ dijejeran rengrengan pengurus Wakil Ketua Wasis Aji Budhi,S.P.d,Sekretaris Drs.Dodi Gondowarsito,Wakil Sekretaris Iwan Herdiawan, Bendahara Hj.Cucu Solihat,Karyawan Iwa Setiawan sarta Ketua Pengawas ngarangkep anggota Drs.Kamil,Anggota Pengawas Suhermat Wisastra,S.Pd jeung A.Zakaria,S.Pd,M.Si.
Dina ieu kasempetan diluuhan Camat Kecamatan Sukasari ,Ketua PGRI kecamatan Sukasari,Pengurus Pusat Koperasi Pegawai Republik Indonesia ( PKPRI) kota Bandung Drs.Kustiwa Benoputra,M.Pd, Ketua Dekopinda Kota Bandung .H.Usep Sumarno,SH.SE,MM jeung Kepala Bidang Kelembagaan & Pendaftaran Koperasi Dinas Koperasi UKM & Perindag kota Bandung Dra.Hj.Elis MM. Numutkeun Nanan taun 2015 nyaeta taun munggaran kapungurusan ngalaksanakeun RAT ka 37 nyaeta ngalaporkeun pertanggunganjawaban pengurus,pengawas,keuangan taun buku 2014 sarta Rencana Kerja jeung RAPBK taun buku 2015. Pihakna ngadugikeun syukur Alhamdulliah kagiatan usahana sehat katangen ku ngaronjatna struktur permodalan jeung ngaronjatna hasil usaha atawa kauntungan kubeubeunangan na Rp.692.193.180,-. sarta Sisa Hasil Usaha (SHU) na meunang Rp.48.934.720,- ngaronjat Rp 8.865.975,- atawa ngaleuwihan target 22,12 % tina rencana nu ditetepkeun tina RAPB Koperasi Mimitran sarta naek 20,48 % dibandingkeun jeung SHU taun buku 2013.
Ngeunaan Permodalan terus dironjatkeun kulantaran beuki loba anggota ngaranjuk duit ngajukeun kredit jadi perlu aya tambahan modal ti luar . ,Jumlah kredit kasalurkeun nepi ka dua milyar leuwih tepatna Rp.2.997.196.943,- Ari tambahan modal ti luar Rp 353.260.000,- sedengkeun modal sorangan aya tilu milyar leuwih tepatna 3.505.824.252,- jadi ngaronjat tilu milyar leuwih tepatna Rp.3.124.876.207,-. Kukituna dironjatkeun simpanan wajib anggotana tina Rp.100.000,- jadi Rp.150.000,-.
“Partisipasi anggota jumlahna 303 jiwa ngawengku 90 lalaki jeung 203 awewe salaku pemilik jeung pengguna jasa cukup ngamangfaatkeun jasa nu disadiakeun pengurus koperasi “.ceuk Nanan saperti diberitakeun Koran Giwangkara. Sedengkeun Kepala Bidang Kelembagaan & Pendaftaran Koperasi Dinas Koperasi UKM & Perindag kota Bandung Hj.Elis MM dina biantarana ngadugikeun maafna mugia ngahapunten yen bapa Kepala Dinas Koperasi UKM & Perindag kota Bandung nyaeta Drs.H.Ema Sumarna,M.Si nu dua bulan katukang tos digentos ku bapa Eric M Athauriq,SH henteu tiasa ngaluuhan acara RAT di Koperasi Mimitran ,kukituna inyana ngadugikeun salam silaturahmina. Nyakitu deui ngadugikeun hasil evaluasi kinerja koperasi mimitran, RAT na dilaksanakeun di munggaran bulan Januari nyaeta kacatet koperasi ka dua ngalaksanakeun RAT di kota Bandung taun 2015 dibere peunteun 100 sedengkeun nu ka hijina mah SMKN di Dago Pojok “ Alhamdullillah laporana hade mudah-mudahan bisa dipertahankeun turta sumangetna dironjatkeun deui sarta mudah-mudahan koperasi Mimitran dijadikeun corong picontoeun pikeun Koperasi Pegawai Republik Indonesia ( KPRI) di kota Bandung “. Ceuk Elis.(Suherman.S)
