Uninus Wisuda 1.008 Lulusan : Program Pendidikanna Ngamumule Ajen Inajen Kaislaman
Universitas Islam Nusantara (Uninus) kampusna di Jl.Soekarno-Hatta No. 530 Bandung Sabtu 22 Juni 2013 ngawisuda 1.008 lulusan taun akademik 2012-2013. Ngistrenan lumangsung dina sidang terbuka senat dipimpin rektor Uninus Dr.H.Didin Wahidin M.Pd di Gedong Bandung Convention Centre (BCC) Jl.Soekarno-Hatta No.354 Bandung nu dina ieu kasempetan diluuhan Koordinator Kopertis Wilayah IV Jabar & Banten Prof.Dr.Ir.H.Abdul Hakim HalimM.Sc , mantan Koordinator Kopertis Wilayah IV Jabar & Banten Prof.Dr.H.Rochim Suratman, Ketua Umum Ikatan Keluarga Alumni (IKA) Uninus Dr.H.Dada Rosada SH,M.Si nu oge salaku Walikota Bandung , sarta Dr.H.Ali Masykur Musa,M.Si,M.Hum salaku Anggota IV Badan Pemeriksa Keuangan Republik Indonesia (BPK RI) ngadugikeun orasina.Kagiatan wisuda ieu ngarupakeun nu ka 56 kalina wisuda sarjana (S1) masing-masing 31 lulusan ti Fakultas Ekonomi,95 lulusan Fakultas Hukum,422 lulusan Fakultas Keguruan & Ilmu Pendidikan,15 lulusan Fakultas Teknik,44 lulusan Fakultas Ekonomi sarta ka 16 kalina wisuda program pasca sarjana ti program Doktor (S3) Manajemen Pendidikan 61 lulusan,program Magister Manajemen Pendidikan (S2) 191 lulusan,program Magister Ilmu Hukum (S2) 21 lulusan jeung program Magister Pendidikan Agama Islam (S2) 66 lulusan.
Samemeh ngistrenan sajumlah lulusan dina biantarana Didin Wahidin lian ti ngawilujengkeun ka sakumna wisudawan ku geus ngalahirkeun prestasi ngaraih gelar nu ngarupakeun kader-kader pemimpin bangsa jeung nagara oge ngainformasikeun ku diwisudana lulusan anyar ieu ti mimiti ngadegna 30 November 1959 harita ngarannna Universitas Nahdatul Ulama ( UNU) robah ngaran jadi Uninus 15 April 1969 sarta 24 Desember 1976 aya dina panangtayungan Yayasan Islam nusantara nepi ka kiwari geus ngahasilkeun 36.000 alumni nu geus boga pacabakan sewang sewangan boh nu ngabdi ka bangsa jeung nagara nyakitu deui pagawe negeri,swasta wirausahawan professional sumebar di sakuliah lemah cai sarta di sajumlah nagara Asean sarta netelakeun ngeunaan program nu dilaksanakeun di kampus Uninus.
Numutkeun Didin Wahidin sok sanajan aya parobahan ngaran tangtuna henteu ngarobah cita-cita para ulama jeung cendekiawan muslim dina ngadegkeun universitas nu didadasaran ku kasadaran parentah Illahi Rabi jeung nabi Muhammad S.A.W pikeun ngaronjatkeun kualitas pemahaman kailmuan di kalangan umat Islam.“Kukituna Program pendidikan di Uninus ngaadumaniskeun keselerasan jeung ngamumule ajen inajen atawa nilai kaislaman,kanusantaraaan, kailmuan nu relevan jeung mekarna masarakat sarta globalisasi ‘.pokna bari inyana ngajelaskeun yen sakabeh program studina geus meunang izin penyelenggaraan ti Kementrian Pendidikan Kebudayaan Nasional jeung Kementrian Agama sarta geus terakreditasi nasional sarta dina ngalaksanakeun pendidikanna aya 400 dosen tetep nu ngabdikeun hirupna dina dunya pendidikan sarta mibanda komitmen pikeun ngaronjatkeun mutu Sumber Daya Manusia (SDM) Indonesia.
Sarengsena wisuda rektor Uninus waktu ditanya Giwangkara ngeunaan kagiatan sejenna,dijawabna aya nyaeta dina raraga wisuda Uninus sarta milad Uninus ka 54 sarta dina raraga bulan suci Ramadhan 1434 H kulawarga besar Uninus ngayakeun Gerakan Wakaf Alqur’an.“ Indonesia nu pendudukna kurang leuwih dua ratus juta jiwa masih mibanda masalah dina nyadiaan mushaf Al-Qur’an nu mibanda fungsi salaku pedoman hirupna.Kiwari tacan sakabeh kulawarga Islam di Indonesia mibanda mushaf Al-Qur’an. Kukituna sivitas akademika Uninus ngarasa kapanggil pikeun bisa ngalakukeun kontribusi dina nyadiaaan kitab suci Al-Qur’an”.ceuk Didin Wahidin (Suherman.S).- .
