SHU Kopkar Kopertis WilayahI V Ngaleuwihan Target
Ketua Koperasi Karyawan (Kopkar) Kopertis Wilayah IV periode 2013-2017 Hj.Ani Kenangasari,SE,M.Si netelakeun sakabeh bebeunangan jeung Sisa Hasil Usaha (SHU) taun buku 2013 meunang kauntungan ngaleuwihan target tinu geus direncanakeun. “ Alhamdullilah tina geus direncanakeun SHU Rp. 1.126.240.859,- realisasina Rp.1.211.161.475,- ngaleuwihan target sok sanajan gedena ngan 7,54 % .Beubeunangan SHU ieu oge rada ngaronjat ti taun saacanna 2012 harita ngan meunang 1.073.150.303,- . Diharepkeun luyu jeung Program Kerja Rencana Anggaran Pendapatan & Belanja (RAPB) Kopkar Kopertis Wilayah IV taun buku 2014di taun buku 2014 kudu beuki leuwih ngaronjat deui ditargetkeun SHU na kudu meunang Rp.1.254 .481.294 “ ceuk Hj.Ani .Kagiatan acara Rapat Anggota Taunan ( RAT) Kopkar Kopertis Wilayah IV & Program Kerja & RAPB taun buku 2014 nyokot tema “ Melalui Rapat Anggota Tahunan (RAT) Taun Buku 2013 Kopkar Kopertis Wilayah IV Mewujudkan Kesehjahteraan Anggota Sesuai Nilai-Nilai Dan Prinsip Koperasi” lumangsung Senen 17 Maret 2014 di aula gedong I kantor Kopertis Wilayah IV Jl.P.H.Hasan Mustapa No.38 Bandung.Dina ieu kasempetan dijejeran Wakil Ketua Hj.Suarny Amran,SH,MH,Sekretaris I Suroso,SH,Bendahara I Drs.H.Gugun Sodik ,M.Si,Bendahara II Hj.Ongky Mustika, Ketua Pengawas : Drs.A.Hidayat,MM,Sekretaris Pengawas : Dr.H.Purwadi,Anggota Pengawas : Drs.H.Basir Habib,M.Si.Ak,Drs.Tia Sugiri,ST,M.Pd,Muharam Wirakusumah,S.Sos,,Manager : Oman Rohman,SE diluuhan pejabat Dinas Koperasi UKM Perindag kota Bandung,Pengurus Dekopinda kota Bandung Drs.Asep Supriatna,Koordinator Kopertis Wilayah IV Jabar & Banten Prof.Dr.Ir.H.Abdul Hakim Halim M.Sc salaku Pembina ngadugikeun biantarana sakalian muka acara sacara resmi RAT.
Nuruttkeun Hj. Ani saperti diberitakeun Koran Giwangkara program jeung RAPB taun buku 2014 ngarupakeun program kerja jeung RAPB kapangurusan koperasi periode 2013-2017 nu dipilih dina RAT taun buku 2013 sarengse lekasanna kapangurusan periode 2008-2012 nu dilaksanakeun dina RAT koperasi tanggal 19 Maret 2013.Pikeun ngalaksanakeun tugas ngokolakeun ngamekarkeun koperasi,salaku pengurus,pihakna sadar masih nyanghareupan sagala rupa pasualan boh nu aya hubungan jeung kagiatan pelayanan ka anggota nyakitu deui dina nyokot kaputusan luyu jeung katangtuan Angagaran Dasar (AD) jeung Anggaran Rumah Tangga (ART) sarta kaputusan Rapat Anggota sangkan luyu jeung nu jadi udagan visi jeung tujuan koperasi bisa karealisasikeun. “ Sangkan bisa karealisasikeun tangtuna bakal sulit mekar saupama henteu dibarengan sabibilulunganna partisipasi anggota nu ayeuna jumlahna 1.197 anggota ngawengku 1.063 tenaga edukatif (dosen) ,122 tenaga administrasi jeung 12 karyawan koperasi sok komo ku dilumakukeunnana UU.No.17 Tahun 2012 ngeunaan Perkoperasian ngagantikeun nu heubeul UU.No.25 Tahun 1992 dina raraga ngamekarkeun koperasi perlu nyaluyukeun jeung UU anyar ieu “,ceuk Hj. Ani
Mairan ngeunaan UU anyar ieu Ketua Pengawas Drs.A.Hidayat,MM netelakeun ku dilumakukeunnana UU Nomor 17 Tahun 2012 ngeunaan Perkoperasian bakal ngajadikeun sababaraha parobahan dina ngokolakeun koperasi diantarana wae koperasi simpan pinjam kudu dipisahkeun tina jenis koperasi sejenna, nyakitu deui robahna anggaran dasar koperasi sarta robahna permodalan koperasi.. “ Kukituna keur ngaantisipasi nerapkeun UU No.17 Tahun 2012 Kopkar Kopertis Wilayah IV perlu nyiapkeun diri ngabentuk tim adhock “.pokna..Sedengkeun Koodinator Kopertis IV Prof.Dr.Ir.H.Abdul Hakim Halim M.Sc salaku Pembina nembrakeun yen koperasina memang lumayan ngeureuyuh rada mekar sok sanajan masih saeutik mekarna, diharepkeun ka hareupna leuwih mekar deui.“ Kukituna sangkan leuwih mekar lian ti pengurus henteu mungkin bisa digawe ngan sosoranganan tapi perlu ayana rojongan ti sakabeh anggota.Kitu deui di koperasi perlu ayana kreativitas usaha anyar disagedengeun unit kredit,unit toko, jeung unit majalah supaya SHU na leuwih ngaronjat deui “.tandesna .(Suherman.S).-
