Ngatur Tempat Diuk Kacida Penting Dina Keprotokolan
Ketua Panitia Bimbingan Teknis Keprotokolan pikeun tenaga teknis administrasi Perguruan Tinggi Swasta (PTS) di lingkungan Kopertis IV Sudirman S.Sos nu oge salaku Kepala Sub Bagian Tata Usaha Kopertis IV dina kagiatan acara Bimbingan Teknis Keprotokolan Kopertis Taun 2016 poe Salasa 18 Oktober 2016 pabeubeurang ngalaporkeun lian ti ngawilujengkeun sumping turta nganuhunkeun ka 75 peserta miluan bimbingan teknis keprotokolan oge teu hilap nganuhunkeun ka Bapak Koordinator Kopertis IV Prof.Dr.Ir.H.Abdul Hakim Halim M.Sc ngadugikeun biantarana sakalian muka acarana. Numutkeun Sudirman saperti diberitakeun Koran Giwangkara kagiatan lumangsung ti Selasa18 Oktober nepi ka 20 Oktober 2016.di Gedong Diklat Kopertis Jatinangor..Nara sumber kagiatan ieu asalna ti akademisi jeung praktisi mibada kompetensi di widang Keprotokolan. Sedengkeun tujuan pelatihan nyaeta lian ti sangkan para peserta bisa paham kana tata cara keprotokolan nu hade turta bener oge nangtukeun lengkah kongkrit nu kudu dilakukan PTS jeung Kopertis wilayah IV di tahun 2016 jeung 2017 dina ngalaksanakeun aya kaitanna jeung keprotokolan .jeung ngaronjatkeun pengetahuan turta keterampilan ka peserta.
“ Moga-moga kagiatan ieu bisa dilaksanakeun luyu jeung rencana jeung tujuan nu direncanakeun bisa mawa hasil sacara hade.”.pokna. Sedengkeun Koordinator Kopertis IV Prof.Dr.Ir.H.Abdul Hakim Halim M.Sc dina biantarana netelakeun yen di perguruan tinggi kagiatan utamana nyaeta proses belajar mengajar .Didieu biasana aya bagian akademik ngurus ngeunan jadwal nyiapkeun sarana jeung prasarana perkuliahan jeung nyiapkeun situasi belajar sangkan henteu aya kaributan di tempat kuliah tangtuna oge kaamanan patali jeung pembelajaran jeung penelitian para dosen di labolatorium atawa di ruang kerjana masing-masing kaasup di jerona pengabdian ka masarakat .salah sahiji bagian ti Tri Dharma Perguruan Tinggi. “ Tina kagiatan utama disebut Tri Dharma Perguruan Tinggi eta sabenerna aya kagiatan-kgiatan dilaksanakan perguruan tinggi ngarupakeun kagiatan resmi.Kukituna aya nu dikudukeun kaitanna jeung masalah keprotokolan. Contona kumaha keprotokolan ngatur kagiatan resmi sangkan lumangsung tertib luyu jeung aturan penghormatan ka para peserta.”.ceuk Abdul Hakim Halim.
Abdul Hakim Halim dina ieu kasempetan nembrakeun aya kajadian pernah ngagujrudkeun ku masalah akibat kurangna kanyaho kaitanna jeung pengetahuan keprotokolan nyaeta baheula waktu rapat kerja Rempug Nasional ( Rembugnas) Kemendikbud diiluan sakabeh Kepala Dinas Provinsi,Disdik kabupaten.,sakabeh , pimpinan perguruan tigggi negri jeung sakabeh Koordinator Kopertis sa- Indonesiat turta para pejabat aya di lingkungan Kementrian kukituna jumlahna nu hadir leuwih ti 1000 peserta..Kukitna protokol kudu ngatur tata upacara dina waktu pembukaan nyaeta ngatur tempat diuk pikeun Siapa, Duduk Dimana .Hal ieu jadi kacida penting, kulantaran salah nempatkeun pesertana atawa jalmana,urutanna salah bakal ambek-ambekkan ngajadikeun insiden nu beurat pikeun nu tanggungjawab ngatur ieu.
Kukituna ngatur tempat diuk kacida penting dina keprotokolan atawa ” Siapa duduk dimana “,ceuk Abdul Hakim Halim . Kacida pentingna dina keprotokolan misalna wae ngundang mentri sarta sajaumlah pejabat ka perguruan tinggi swasta waktu wisuda,kumaha nempatkeun tempat diuk hiji hal kacida sensitive . Salah nempatkeunna jalmana bakal nimbulkan masalah henteu ayana komunikasi . “ Saupama mentri hadir di PTS sahenteuna aya kahayang supaya Ketua Yayasan bisa wanoh ngobrol hal ngeunaan kamekaran PTS na ,tapi protokol nempatkeunn tempat diukna rada anggang balukarna tujuan henteu tinekanan. Numutkeun Abdul Hakim Halim hiji hal pikareueuseun dina wisuda,pihakna mibanda kesan saperti lomba pidato,coba bayangkeun nu mere sambutan ngawengku ti wakil wisudawan,orang tua wisudawan,Ketua yayasan,Aptisi,Koordinator Kopertis,satuluyna aya Bupati sarta Gubernur .
Ieu kurang leuwih aya tujuh urang nu mere sambutan pihakna miharep engke aya nu nganiley saha pemenangna Eta kesan nu pihakna katangkep,hal ieu memang bagian tina keprotokolan diwilayahna, sewang-sewanngan,kulantaran henteu sakabeh daerah sarua seperti dikota Bandung can aya di acara wisuda ngahadirkeunn walikota mere biantarana atawa sambutan tapi duka mun nepikeun orasi mah “ Dina acara wisuda di PTS aya di kota Bandung can pernah ngahadirkan walikota mere sambutan ,tapi Bupati Kabupaten Bandung Wali Kota Cimahi pernah mere sambutan di PTS nu aya wilayahna “.pokna. Ku lobana nu nepikeun biantara atawa sambutan ceuk Abdul Hakim Halim bisa wae aya kasus kajadian dina acara wisuda padahal ngan ngawisuda 100 wisudawan dilaksanakeun ti isuk-isuk rengsena acara wisudana jam satengah dua kulantaran direuah-reuah sagala rupaning atraksi-atraksi ,debus ,rampak gendang,lengser ,upacara adat jeung sajaba ti eta , nu geus khas di urang ngarupakeun hal kacida penting bagian tina keprotokolan.
“ Kukituna simkuring menta turta peupeujeuh ka para peserta bimbingan teknik keprotokolan sangkan bisa ngadiskusikeun kumaha urutan sabenarna kudu dilakukan satiap kagiatan upacacara perlu paham turta dicatet tuluy para peserta nyieun salah sahiji prosedur wisuda,acarana sangkan ti poe ka poe satiap wisudana sarua . sanajan panitiana nyelenggarakeunna beda,samalah mah saupama perlu dijieun SK rektorna atawa,Ketua,Direkturna jadi hiji kagiatan standar sahade-hadena.” Ceuk Abdul Hakim Halim (Suherman.S).-
