KKN Sisdamas UIN SGD 2018 Konsentrasi Ka Kabupaten Bandung DAS Citarum
Ketua Pusat Pengabdian Kepada Masyarakat LP2M (Lembaga Penelitian & Pengabdian kepada Masyarakat ) Universitas Islam Negeri (UIN) Sunan Gunung Djati (SGD) Bandung Dr.H.Ramdani W.Sururie,M.Ag,M.Si saperti diberitakeun Koran Giwangkara netelakan kagiatan Kuliah Kerja Nyata (KKN) Sisdamas ( Berbasis Pemberdayaan Masyarakat ) 2018 dilaksanakeun ti mimiti 31 Juli nepi ka 31 Agustus 2018 diiluan 5.215 mahasiswa UIN SGD Bandung lumangsung di opat kabupaten di Jawa Barat, lobana 5.054 peseta mahasiswa KKN dikonsenttrasikeun ka wilayah kabupaten Bandung,utamana di Daerah Aliran Sungai (DAS) Citarum,sesana ka kabupaten Cianjur,kota Banjar jeung Pangandaran,malahan aya nu ngalaksanakeun KKN di nagara Thailand.“ Dikonsentrasikeunna KKN ka kabupaten Bandung kulantaran ayeuna keur ngarevitalisasi DAS Citarum “.pokna waktu acara pembekalan Dosen Pembimbing Lapangan (DPL) jeung Ketua Kelompok KKN Sisdamas TA 2018-2019 lumangsung poe Kemis 19 Juli 2018 di Gedong Anwar Musaddad Jl.A.H.Nasution No.105 Bandung nu dina ieu kasempetan diluuhan Pejabat Bappeda kabupaten Bandung,pakar komunikasi ti Fakultas Dakwah & Komunikasi UIN SGD Bandung sarta Dan Sektor 21 Program Citarum Harum Kolonel Inf Yusef Sudrajat,S.IP,M.Si salaku narasumber.
Numutkeun Ramdani KKN Sisdamas lian mibanda tujuan ngajalin interaksi,pemahaman jeung kapadulian mahasiswa dina ngaberdayakeun masarakat oge kudu ngaedukasi masarakat luyu jeung kompetensi hasil kuliahna di program studi sewang-sewangan . Diharepkeun mahasiswa kudu bisa ngaindentifikasi udagan 17 tujuan pembangunan berkelanjutan (Suatainable Development Goals/SDGs.Sedengkeun nu aya kaitanna jeung lokasi di DAS Citarum mahasiswa KKN bakal ngagabung jeung para personal nu miluan Program Nasional Citarum Harum.Sacara teknis para peserta KKN disebar ti sektor 1 nepi ka Sub Sektor 23 ( ti hulu nepi ka hilir). “ Diharepkeun para peserta KKN mampu ngalarapkeun atawa ngamangfaatkeun ilmu pengetahuan jeung teknologi sacara multi disipliner pikeun kapentingan jeung pemberdayaan masarakat di daerah ieu “.pokna. Kolonel Inf.Yusef Sudrajat ,S.IP.M.Si salaku Dan Sektor 21 Program Citarum Harum nyambut hade kahadiran mahasiswa KKN UIN SGD Bandung Para peserta KKN bakal ngagabung, sarta babarengan mecahkeun masalah di DAS Citarum . “ Pihakna yakin peran mahasiswa salaku agen parobahan bakal mampu ngarobah kaayaan masarakat jadi leuwih hade. Mahasiswa jeung pembimbingna dipastikeun boga planning,visi turta bisa mere solusi nu tepat “ Gawe bareng jeung UIN SGD Bandung ku ngaliwatan KKN Sisdamas ieu bisa bersinergi sacara babarengan keur ngawujudkeun Citarum Harum pikeun Indonesia Emas 2045.(Suherman.S).-
