H.Kosasih Kepala SDN Nangela Paseh Kab.Bandung Meunang Gelar Doktor
Rebo 19 Maret 2014 kabungah jeung kagumbiraan katembong dirasakeun H.Kosasih dumeh cita-citana tinekanan bisa ngarengsekeun program S3 (Doktor) . “ Simkuring kalintang bingahna , muji syukur Alhamdullilah ka Illahi Robi dipasihan nikmat kalancaran dina sidang ujian terbuka bisa ngajawab pertanyaaan promotor waktu mertahankeun disertasina “. ceuk H.Kosasih ka Koran Giwangkara nu kiwari nyepeng kalungguhan salaku Kepala Sekolah Dasar Negeri (SDN) Nangela UPTD Tk/SD Disdikbud kecamatan Paseh kabupaten Bandung..Disertasi nu didugikeun dina sidang terbuka di Program Pasca Sarjana Universitas Islam Nusantara (Uninus) Jl.Soekarno-Hatta No. 530 Bandung pikeun nyumponan salah sahiji syarat ujian meunang gelar Doktor widang manajemen pendidikan program studi Manajemen Pendidikan nyokot judulna Upaya Strategi Kepala Unit Pelaksana Teknis Dinas ( UPTD) TK/SD Dalam Meningkatkan Kinerja Sekolah ( Studi Deskrptif Analitik Pada Tiga UPTD TK/SD Disdikbud Kab Bandung) dipromotoran Prof.Dr.H.Achmad Sanusi.SH,M.PA ,Ko Promotor Prof.Dr.H.Sutaryat Trimansyah,MA sarta anggota promotor Dr.H.Adjat Sudrajat M.Pd nu hasilna nyugemakeun ditandeskeun lulus yudicium sangat memuaskan Indek Prestasi Kumulatif (IPK) 3,53. Kukituna syah promovendus make gelar Dr.H.Kosasih,M.Ag.
Dumasar kasimpulanna,ceuk Kosasih, balukar tina tarekah atawa upaya strategis Kepala UPTD TK/SD di tilu kecamatan dina ngaronjatkeun kinerja sakola nyaeta prestasi siswa,guru/kepala sakola jeung prestasi sakola ( kapuassan stakeholder),hasil akreditasi sakola mayoritasna kategori B(Baik). Sok sanajan masih aya sababaraha sakola masih kategori cukup.Jadi hasil analisis instrument kinerja sakola ti sababaraha sakola nunjukkeun kategori B bari jeung disababaraha aspekna masih aya nu kurang.Eta kakurangan kulantaran evaluasi upaya strategis kepala UPTD TK/SD can terus dilakukeun,kadang-kadang tentatif,can lengkepna instrumen evaluasi ngajadikeun tujuan realitas isu nyata,opsi identifikasi jeung kahayang ngalarapkeunnana masih can luyu jeung tujuan nu diharepkeun. “ Kukituna dina ieu kasempetan simkuring ngarekomendasikeun ka kepala SD ,warga sakola di 3 UPTD TK/SD husuna sarta umumna di kabupaten Bandung sangkan terus ngupayakeun pikeun ngaronjatkeun kinerja sakola ku rencana nu hade turta ngalembagakeun sistem nilai nyaeta teologik,etik,logik jeung teodologik “.ceuk Kosasih kalahiran 10 Oktober 1963 di kampung Pojok,Desa Cikembulan,Kecamatan Kadungora.Kabupaten Garut anak ka 4 ti 11 saudara cita-citana keur ti budak keneh hayang jadi guru. Enggoning ngahontal cita-citana satamatna SDN jeung SMP di Kadungora nuluykeun sakola ka Sekolah Pendidikan Guru (SPG) Pasundan Garut. Satamat ti sakola guru harita ditugaskeun ku pemerintah jadi guru SDN Lulut 01 desa Lulut.kecamatan Cileungsi kabupaten Bogor (ayeuna jadi kec.Klapanunggal) didinya bari kuliah sarta lulus Sarjana (S1) ti Fakultas Pendidikan Universitas Pakuan (Unpak) Bogor.Tidinya diumutasi dipindahkeun tugas ka SDN Nangela desa Cipaku kec.Paseh kabupaten Bandung bari nuluykeun kuliah oge lulus S2 (Magister Agama) Prodi Ilmu Pendidikan Islam (IPI) Universitas Islam Negeri (UIN) Bandung. Promovendus ti mimiti taun 1991 jadi guru SDN Nangela,bari ngajar pasosorena di MTS Swasta/SMP Swasta nepi ka taun 2004. Ti taun harita diangkat jadi kepala SDN Candra nepi ka taun 2012. Tidinya dipindahkeun deui jadi Kepala SDN Nangela nepi ka ayeuna sarta oge dibere amanah jadi Kepala SMP Terpadu Al’mumin.Prestasi pernah diraih ,juara II guru berprestasi tingkat kabupaten 2001,juara II Kepala Sekolah berprestasi tingkat kabupaten taun 2007. Dina taun 2008 ngawakilan Provinsi Jawa Barat pikeun SDN terpencil nu berprestasi ka tingkat nasional.Taun 2013 jadi juara harapan kahiji perlombaan gugus sekolah VII Cipaku tingkat kab.Bandung (Suherman.S).-