.H.Dedi Sihabudin Ahmad M.M.Pd : Pendidikan Kesetaraan PKBM Masih Loba Nyanghareupan Masalah
Penyelenggaran pendidikan kesetaraan di Pusat Kegiatan Belajar Mengajar (PKBM) kiwari tacan digarap sacara professional kulantaran kanyatanna dina proses pelaksanaan ngaronjatkeun mutu pendidikanna tacan optimal masih loba nyanghareupan masalah boh .intern jeung ekstern. “ Masalah paling utamama nyaeta sulitna pembinaan dina ngaronjatkeun mutu pendidikan kesetaraan kulantaran tacan terpaduna pembinaan antara pusat jeung daerah.”.Ceuk Dr.H.Dedi Sihabudin Ahmad,M.M.Pd salaku Kepala Unit Pelaksana Teknis Pengembangan Kegiatan Pendidikan Non Formal Informal (UPT-PK- PNFI) VII Dinas Pendidikan Kota Bandung saperti diberitakeun Koran Giwangkara waktu mertahankeun disertasina “ Efektifitas Peningkatan Mutu Pendidikan Kesetaraan Dalam Kaitannya Dengan Kebijakan,Program Dan Implementasi “ ( Studi Pada PKBM Minda Utama & Nusa Bangsa Kota Bandung) dina ujian sidang terbuka dihareupeun Promotor Prof.Dr.H.Achmad Sanusi,SH,MPA,,Ko Promotor Prof.Dr.H.Dedi Mulyasana,M.Pd sarta Anggota Promotor Dr.Hj.Ikka Kartika,AF,M.Pd pikeun ngaraih gelar Doktor (S3) widang manajemen pendidikan Program Studi Manajemen Pendidikan Program Pasca Sarjana Universitas Islam Nusantara (Uninus) lumangsung 25 Januari 2017 di kampus Jl.Soekarno-Hatta No.530 Bandung nu hasilna ditandeskeun lulus meunang Indek Prestasi Kumulatif (IPK) 3,63 Yudicium Sangat Memuaskan.
Numutkeun Dedi di tingkat daerah,pembinan pendidikan kesetaraan di masing-masing dinas pendidikan nu aya di wilayah binaan Dinas Pendidikan Provinsi Jawa Barat dilaksanakeun ku bidang nu beda-beda. Nyakitu deui di Dinas Pendidikan Kota/Kabupaten. pembinaaan Kesetaraan aya nu dibawah Kabid Pendidikan Dasar & Menengah ,aya oge nu dibawah PNFI/PAUDNI . “Kukituna jalur pembinaan nu henteu museur di tingkat Kementerian nepi ka tingkat provinsi jeung kabupaten/kota ngabalukarkeun kurang sinergina pembinaan pusat jeung daerah .Akibat tina persoalan ieu kukituna tong heran masih aya stigma negatif kana program pendidikan kesetaraan”.pokna. Dedi ngebrehkeun pembinan penyelenggara pendidikan kesetaraan di Dinas Pendidikan kota Bandung aya dibawah bidang Pendidikan Non Formal & Informal (PNFI) Seksi pendidikan kesetaraan nu pelaksanana nyaeta penilik pendidikan kesetaraan jumlahna tinggal ngan opat urang deui ,kulalantaran nu saurang pensiun . Satiap penilik kasetaraan ngabina lembaga pendidikan rata-rata 10 kecamatan. Sedengkeun jumlah lembaga pendidikan nu nyelenggarakeun pendidikan kesetaraan di kota Bandung aya 96 lembaga meunang ijin operasional, diselenggarakeun ku PKBM UPT-PK-PNFI sarta,Lembaga Kursus & Pelatihan (LKP),Pesantren,Organisasi Kemasyarakatan,organisasi keagaamaan, Lembaga Sosial Masyarakat (LSM) jeung Kelompok Belajar. .Tina sajumlah 96 lembaga diantarana 51 lembaga sacara kontinyu nyelenggarakeun proses pembelajaran pendidikan kesetaraan ngirimkeun peserta didikna pikeun miluan ujian kesetaraan ka Dinas Pendidikan kota Bandung.
Sedengkeun dina hal penyelenggaraan PKBM khususna penyelenggaraan pendidikan Kesetaraan di kota Bandung masih ditimukeun sababaraha kondisi cukup prihatin diantara wae,sebagian gede stakeholder pendidikan ,masarakat,birokrasi pemerintah masih mandang sabeulah mata ka lembaga pendidikan non formal bari jeung teu wanoh kana konsep,kiprah jeung potensina sarta masih ngadewakeun pendidikan formal. “ Ku can wanoh ieu masarakat loba nu nyangka pendidikan kesetaraan masih sarua jeung ujian persamaan,akibatna masarakat asup PKBM tujuanna ngan miluan ujian nasional wungkul.”,.pokna. Nyakitu deui tina hasil lulusanna,masih loba instansi swasta jeung pemerintah nu can ngaku ijazah pendidikan kesetaraan akibatna ijazah pendidikan kesetaraan henteu payu alias teu ditarima sarta masih loba perguruan tinggi negeri jeung swasta nu henteu mere kasempetan ka lulusan Paket C pikeun nuluykeun pendidikanna di jenjang perkuliahan..Ari masalah sejenna ayana indikasi kuat loba lembaga nu ngadeg tapi motivasi utamana meunang dana ti pemerintah pikeun kapentingan pribadi akibatna kurang peduli kana pelaksanaan mutu program akibatna nimbulkeun citra negatip .Pon kitu deui ayana indikasi kurang ratana pendistribuan anggaran pemerintah khususnya Bantuan Operasional Penyenggaraan (BOP) turta umur PKBM jeung FK-PKBM masih kaitung ngora akibatna kurang kader ngamajukeun lembaga ieu oge sabagian gede PKBM lian ti masih mibanda personalia,sarana,prasarana minim dina hal kualitas, sarta mibanda sistem manajemen jeung kapamingpinanna lemah Dumasar kana permasalahan eta numutkeun Dedi tangtuna perlu nerapkeun manajemen mutu kulantaran nerapkeun manajemen mutu dina nyelenggarakeun pendidikan kesetaraan jadi penting, utamana pikeun ngarojong implementasi kebijakan jeung program ditetepkeun pemerintah sangkan mampu ngaronjatkeun mutu lembaga penyelenggara pendidikan kesetaraan.
“ Ngaronjatkeun mutu lembaga PKBM sacara sagemblengna jeung sistemik diharepkeun PKBM mibanda kamampuan daya saingan turta boga luang pikeun ditarima masarakat,pemerintah salaku PKBM nu nyumponan harepan masarakat,pemerintah salaku PKBM unggul di kota Bandung “. Ceuk Dedi Sihabudin Ahmad kelahiran Garut 20 September 1963ti pasangan K.H.Ahmad Suaefulloh,BA jeung Cucu Mulyati ,alumni S1 IKIP Bandung,S2 Unisba jeung Uninus. Promovendous nikah 21 Februari 1993 jeung Ir.Hj.Minda Patria,M.P.DI boga anak Razan Fachdary Ahmad,Maudy Alia Khansa jeung Adi Wijaya Kusumah.Sarengsena ti IKIP Bandung jadi guru Honorer di SMA BPI 2 Bandung, sarta dianggkat jadi guru tetep di
Atase Pendidikan Departemen Luar Negeri di tempatkeun di Dapao Philipina.,tuluy diangkat jadi PNS di Depdikbud ditempatkeun di SMAN Bungbulang kab.Garut terus jadi guru dpk di SMA BPI 2 Bandung,ti dinya salaku PNS pindah ka Dinas Pendidikan kota Bandung salaku Staf Seksi Kebudayaan tuluy diangkat jadi Penilik saterusna diangkat jadi Kepala Sub TU di UPT-PK-PNFI III satuluna naek pangkat jadi Kepala UPT-PK-PNFI VII Dinas Pendidikan kota Bandung nepi ka ayeuna (Suherman.S).-
