Perlu Karakter 4T Pikeun Nyegah Tindakan Radikalisme
Kiwari diperlukeun tarekah pikeun ngungkulan nyegah atawa ngabendung tindakan radikalisme akibat tina pangaruh situasi atawa kaayaan di Timur Tengah ka Indonesia . Tarekah nu perlu dimekarkeun diantarana wae nyaeta Karakter 4 T ngawengku Karakter Tawasut,Tawazun .Tasamuh jeung Taadul. Kitu ceuk H. Iman Hilmanuddin,Lc,Dipl,MA Staf Athan Kedutaan Besar Mesir waktu nepikeun makalahna “ Perkembangan Islam Dan Politik Di Indonesia Serta Hubungannya Dengan Situasi Di Timur Tengah “ dina acara Seminar Internasional nyokot Tema “Perkembangan Situasi Politik dan Islam di Timur Tengah,Isu Ketegangan Sektarian) diayakeun Universitas Islam Nusantara (Uninus) lumangsung Rebo 11 Mei 2016 pabeubeurang di Rohangan Program Pasca Sarjana kampus Jl.Soekarno-Hatta No.530 Bandung. Seminar sacara resmi dibuka Rektor Uninus Dr.Suhendra Yusuf,MA nu oge dihadiran Drs.KH.A.Chozin Chumaidy Duta Besar RI di Lebanon nepikeun makalah “ Relasi Agama dan NegaraDinamika Kawasan Timur Tengah Isu Ketegangan Sektarian “ sarta materi didugikeun Syaikh Dr. Amin Salim Kurdi (Mufhti Lebanon).
Numutkeun Iman Tawasut nyaeta sikap tengah –tengah henteu boga kacenderungan kana extrim kanan nyakitu deui extrim kiri, Tawazun saimbang dina sagala hal kaasup dina ngagunakeun dalil aqli ( dalil tina akal pikran rasional) jeung dalil naqli (sumberna tina Al qura jeung hadist). Tasamuh mibanda toleransi ngajenan,hormat ka papada jalma turta mibanda prinsif hirup nu beda,tapi tetetep sauyunan hirup babarengan bari jeung toleransi dina perbedaan sarta Taadul hartina ajeg,negakkeun kaadilan. Iman netelakeun perilaku anarkis jeung tindak kekerasan lain ti ajaran islam kulantaran,sakabeh agama samawi henteu ngabenerkeun yen ayana praktek kekerasan nu akhirna bakal nimbulkeun wabah kabencian ka papada jalma. Ku ayana seruan jihad nu dilakukeun kelompok garis keras kacida kaliru,kulantaran henteu ngahargaan pamadegan jalma sejenn ,sok komo ngaklaim maranehna nu paling bener,utamana sikap ngafirkeun jalma sejen sarta ngahalalkeun getih jeung harta musuhna sok sanajan papada umat muslim.
“ Lian ti nyegah tindakan radikalisme ku ngamekarkeun Karakter 4 T nyakitu deui Metode dakwah dilakukeun nyebarkeun islam di Indonesia (wali songo) santun jeung ramah perlu dipertahankeun kaasup lembaga pesantren masih tetep relevan pikeun ngamekarkeun pendidikan jeung nyebarkeun dakwah Islamiyah “.ceuk Iman.saperti diberitakeun Koran Giwangkara. Chozin Chumaidy netelakeun konflik sektarian lain ngarupakeun faktor utama dina dinamika politik di Timur Tengah . Tapi henteu bisa dipungkiri yen bedana faham kaagamaan saperti Syiah jeung Suni kadang dimunculkeun di tengah perjalanan konflik. Kukituna ngajadikeun konflik leuwih harengheng ,saperti kajadian ayeuna boh di Yaman nyakitu deui di Suriah.Kukituna ceuk Chozin, Islam Moderat,Ramah jeung toleran geus waktuna ditransformasikeun ka nagara –nagara nu keur ngarandapan konflik.Ku ngawangun jaringan leuwih intensif antara umat Islam di Indonesia jeung nagara-nagara Timur Tengah “ Pon kitu deui peran Perguruan Tinggi Islam di Indonesia sangkan milu aub leuwih aktif turta produkktif mere kontribusi jeung bongbolongan sarta konsepsi ngeunaan Islam nu Ramah ,Moderat jeung Toleran ka sababaraha nagara Timur Tengah khususna sarta masarakat dunya dina umumna” .ceuk Chozin .(Suherman.S).-
