Ngistrenan Pengurus FPPT Wilayah Jabar Jeung Seminar Di STKIP Garut
Kagiatan ngistrenan atawa pelantikan rengrengan Pengurus Forum Perpustakaan Perguruan Tinggi (FPPT) Wilayah Jawa Barat Periode 2016-2019 jeung seminar lumangsung poe Rebo 14 Desember 2016 di aula kampus Sekolah Tinggi Keguruan Ilmu Pendidikan (STKIP) Garut, Jl.Pahlawan No.32 Tarogong Kidul kabupaten Garut. Acara diluuhan Ketua FPPT Jabar Hilman Firmansyah, S.IP, MAP, Wakill Ketua III STKIP Garut Dr.Endang Dimyati M.Pd, nyuluran Ketua STKIP Garut Dr.H.N.Nizar Alam Hamdani, MM, MT, M.Si , Ketua Umum Forum Perpustakaan Perguruan Tinggi Indonesia (FPPTI) Pusat Imam Budi Prasetiawan,S.S,para anggota FPPT jeung Dr, Dra.Ninis Agustini Damayani M.Lib Dosen Program Studi Ilmu Perpustakaan FIKOM UNPAD nyarita di Seminar ngaguar makalah “ Kemampuan Komunikasi Pustakawan Dalam Melaksankan Promosi Perpustakaan “.
Hilman Firmansyah dina biantarana saperti diberitakeun Koran Giwangkara ngahaturkeun nuhun ka STKIP Garut ,alhamdullilah ku perhatosanna tos janten pribumi atanapi tuan rumah dilaksanakeunnana ieu acara sarta ngebrehkeun kaangotan FPPT Wilayah Jawa Barat jumlahna ngalobaan matak pikabungaheun turta pikareuseun kiwari jumlahna geus aya leuwih ti 200 anggota sumebar di Perpustakaan Perguruan Tinggi Negeri (PTN) jeung Perguruan Tinggi Swasta (PTS) , sigana mah panglobana diantara FPPT Wilayah sejenna di sakuliah Indonesia,kulantaran FPPT Wilayah Jabar ngarupakeun cikal bakal ngadegna FPPPT. Lian ti kitu oge paling loba anggotana oge paling rajin rutin ngayakeun kagiatan-kagiatan dina sataunna nyaeta heuleut tilu atawa opat bulan sakali ngayakeun kagiatan pasamoan atawa pertemuan. “Salila kapangurusan simkuring Periode 2013-2016 Alhhamdullilah loba kagiatan nu geus dihasilkeun sarta insya Allah simkuring ayeuna siap diiistrenan atawa dilantik pikeun jadi Ketua Umum FPPT Wilayah Jabar Periode 2016-2019. Kukituna simkuring ngahaturkeun nuhun ka sakumna anggota nu geus mere rojongan kapercantenan sarta hayu urang babarengan leuwih ngaronjatkeun deui kagiatan-kagiatanna.
Sedengkeun Dr.Endang Dimyati M.Pd salaku Wakil Ketua III STKIP Garut netelakeun dina biantarana nyambut gumbira kusabab ngarupakeun hiji kabanggaan sakaligus kahormatan pikeun STKIP Garut ku dijadikeun pribumi atawa tuan rumah dilaksanakeunnana kagiatan acara ieu,kukituna ngawilujengkeun sumping di kampus STKIP Garut .Numutkeun Endang STKIP Garut kiwari mibanda tujuh program studi jeung dua program Pasca Sarjana sarta kabehna geus kaakreditasi. “ Satiap akreditasi geuningan perpustakaan ngarupakeun poin penting dijadikeun peunteun kriteria akreditasi,kulantaran perpustakaan perguruan tinggi ngarupakeun panto ilmiah”.ceuk Endang. Sarengsena ngistrenan atawa ngalantik pengurus FPPT Wilayah Jawa Barat, Imam Budi Prasetiawan S.S salaku Ketua Umum FPPTI Pusat dina biantarana ngawilujengkeun ku diistrennan pengurus FPPT Jabar 2016-2019 moga –moga bisa ngajadikeun kontribusi positif turta beuki maju sarta bisa mere kontribusi ka tingkat nasional nepi ka internasional oge netelakeun FPPTI ti mimiti ngadegna nepi ka kiwari umurna panceg 16 taun saupama diibaratkeun manusa mah sok sanajan masih ABG tapi loba kagiatan geus dilaksanakeun di 14 Cabang Wilayah FPPT sumebar di Indonesia, samalah mah dina waktu deukeut bakal nambahan nyaeta FPPT Banten, Riau jeung Medan. Satuluyna ka hareupna nyusul Samarinda, Lampung.” Insya Allah ka hareupna satiap provinsi aya FPPT”.pokna.
Salengkepna Rengrengan Pengurus FPPT Wilayah Jabar Periode 2016-2019 ngawengku Ketua Umum: Hilman Firmansyah,S.IP,MAP (UNPAS),Wakil Ketua Bidang Kerjasama & Usaha Drs.Mahmudin,SIP,M.M.Pd (UNINUS),Wakil KetuaII Bidang Pembinaan & Pengembangan Sumber Daya Manusia Hada HidayatM.S.Sos,M.I.Kom (UPI),Sekretaris I: Ubudiyah Setiawati S.Sos (UNIKOM),Sekretaris II : Yoka Adam Nugraha S.Sos (ITB),Bendahara I : Ira Sri Astuti S.Sos (UNPAR),Bendahara II : Dra.Ice Krisnaeni,S.Sos (UNPAS), Komisi I Bidang Pembinaan & Pengembangan SDM Selaku Penanggung Jawab : L.Nailah Hanum Hanany Sos (UIN SGD), Anggota : Rina Agustina,SE,M.Hum (UNJANI),Drs. Dadi M.Kom (UNPAS), Komisi II Humas& Penerbitan Penanggung Jawab : Ridwan Darmawan S.Sos (UNISBA),Anggota: Cucu YuliantiS.I.Kom (UNINUS), Syarief Hidayat S.Sos (STIKES DHARMA HUSADA),Komisi III Bidang Usaha Dana & Kerjasama Penanggung Jawab : Dra.SM.Oktrianti (TELKOM UNIVERSITY), Anggota: MirzaAstriani,S.Sos,M.A.B (STP Bandung), Neilany Edwina,S.Sos,M.Si (UK.MARANATHA), Komisi IV Bidang Teknologi & Informasi Penanggung Jawab : Yulianti S.Sos,M.I.Kom (FIKOM UNPAD),Anggota : Nurul Fitria,ST,MM (TELKOM UNIVERSITY),Tyas Pyrenia Iskandar S.Sos,M.I.Kom (UNPAS). (Suherman.S).-
