Gubernur Jabar Ngaresmikeun Tilu Prodi Anyar Ikopin

Gubernur Jawa Barat Dr.H. Ahmad Heryawan,Lc dibarengan Rektor Institut  Koperasi Indonesia (Ikopin)  Dr. Ir. H.Burhanudin Abdullah MA ,Senen 28 Maret 2016 di kampus Ikopin Jatinangor  ngaresmikeun muka tilu program studi (prodi) anyar Ikopin dina acara Launching atawa peluncuran Program Studi  S-1 Akutansi,S1 Ekonomi Syariah jeung D-3  Keuangan Perbankan.. Dina ieu kasempetan  hadir Muliaman D.Hadad,Ph.D  salaku Ketua Dewan Komissioner Otoritas Jasa Keuangan (OJK) nu oge Ketua Ikatan Sarjana Ekonomi Indonesia (ISEI)  sarta Ketua Masyarakat Ekonomi Syariah (MES)  sakalian ngistrenan pengurus anyar MES  Jawa Barat periode  2016-2019 turta ngadugikeun Orasi Ilmiah judulna “ Menuju Perekonomian Yang Inklusif Dan Berkeadilan : Tantangan Dan Peluang “.

Burhanudin Abdullah  ngarasa reueus  turta reugreug   ku hadirna  rengrengan MES Jawa Barat. “ Simkuring  reugreug ku hadirna rengrengan ieu ngarasa meunang rojongan  dina  peluncuran program studi anyar nu salah sajijina nyaeta  Program Studi Ekonomi Syariah  “.pokna.saperti diberitakeun Koran Giwangkara.Numutkeun  Burhanudin kahayang Ikopin ngamekarkeun nambah prodi anyar geus dilalanyah ti opat taun  kaliwat,sajumlah program studi  diajukeun  ku rekomendasi Kopertis Wilayah IV Jabar & Banten. Alhamdulllilah  ku ngaliwatan perjalanan panjang  akhirna meunang ijin operasional  pikeun  nyelenggarakeun tilu prodi anyar.Tilu program studi anyar ieu ngarupakeun lengkah munggaran tina tarekah re-branding jeung re-building Ikopin. Di taun-taun bakal datang  Ikopin masih rek  ngamekartkeun deui program studi  nedunan katangtuan  nu aya jeung ngajawab tangtangan perekonomian beuki terintegrasi  sacara global  turta masalah domestik beuki beurat. “ Muga-muga kagiatan peluncuran  tilu program studi anyar  ieu jadi tonggak  bangkitna Ikopin jeung perkoperasian  Indonesia pikeun ngawujudkeun  perekonomian Indonesia  inklusif  bari jeung adil.”.ceuk Burhanudin.

Ngolongan atawa  ngomentaran Orasi  ilmiah didugikeun Muliaman D Hadad , Burhanudin ngajentrekeun lian ti tepat suasanana  kulantaran nepikeun orasi  di hareupen  rengrengan Masyarakat Ekonomi Syariah,masarakat  koperasi  Indonesia ,para pendidik  jeung mahasiswa sarta siswa nu ngarindukeun ekonomi nu leuwih adil.Nyakitu deui orasina didugikeun di tempat nu tepat  nyaeta di kampus Ikopin. Kampus leutik tapi  muatan ideologis kuat ngeunaan  kumaha sakuduna  ekonomi Indonesia diwangun.Para pegiat koperasi  kaasup pihakna di Ikopin ngaimani yen ekonomina sakuduna disusun  salaku ekonomi  nu berbagi,lain ekonomi  hayang nedunan hasrat pribadi. Gubernur Jawa Barat Ahmad Heryawan dina biantarana  netelakeun pihakna nyambut hade  ku dibukana  tilu program studi  anyar  di  Ikopin  pikeun ngawujudkeun ekonomi Indonesia leuwih hade. Salaku bangsa kudu neangan  cara keuangan eklusive bari jeung  dibarengan kaadilan..Dunia usaha nu paling ngamungkinkeun nyaeta keuangan  syariah.

Sedengkeun Muliaman D Hadad  dina kasimpulan orasina ngebrehkeun yen keuangan syariah mibanda potensi gede pisan pikeun mekar  ngarojong inklusi keuangan. Dirojong ku jumlah penduduk muslim  panglobana   di dunia  88,1 % tina total penduduk Indonesia jeung 12,7 % ti total penduduk  muslim dunia.Sektor jasa keuangan syariah domestik nyimpan potensi gede pisan.Dumasar  Islamic Finance Country Index (IFCI) 2015  Indonesia  Peringkat  7  saenggeus Iran,Malaysia,Arab Saudi,Kuwait. Nu jadi tantangan  masalah ngamekarkeun sektor jasa keuangan syariah di Indonesia   nyaeta Sumber Daya Manusia (SDM),modal.literasi keuangan,pangsa pasar.inovasi produk,infrastruktit &TI jeung jalur distribusi.. Kukituna tantangan pikeun ngamekarkeun ekonomi syariah kudu terus diupayakeun.Kulantaran Ningkatkeun tingkat inklusi  keuangan masarakat bakal jadi faktor pangrojong penting dina ngawujudkeun numuwuh mekarkeun ekonomi leuwih inklusif bari jeung adil.(Suherman.S).-