Sub Rayon 148 Uninus Ngayakeun Pendidikan Latihan Profesi Guru
Sub Rayon 148 Universitas Islam Nusantara (Uninus) meunang kapercayaan ti Kemenristekdikti pikeun nyelenggarakeun Pendidikan Latihan Profesi Guru (PLPG ) lobana 288 guru sumebar di tilu Program Studi (Prodi) dilaksanakeun tilu gelombang.Pikeun gelombang kahiji dilaksanakeun ti 26 Oktober nepi ka 5 Nopember 2016 diiluan 111 guru. Kitu ceuk Dr.H.Hendi Suhendraya Muchtar M.Pd salaku Ketua Pelaksana PLPG nu oge salaku Dekan Fakultas Keguruan Ilmu Pendidikan (FKIP) Uninus waktu pembukaan PLPG poe Saptu 26 Oktober 2016 di Hotel Lingga Jl.Soekarno-Hatta No.464 Bandung nu dina ieu kasempetan diluuhan Rektor Uninus Dr.H.Suhendra Yusuf,MA sakalian muka ieu kagitan.Numutkeun Hendi saperti diberitakeun Koran Giwangkara Sajumlah peserta ngawengku 23 guru ti Pendidikan Matematika,25 guru ti PPKn jeung 63 guru PAUD. Sedengkeun asalna peserta nyaeta 8 guru ti Dinas Pendidikan Kabupaten Bogor, 7 kota Bogor, 7 kab Sukabumi, 49 kab Garut,33 kab Sumedang,1 kab Ciamis,1 kota Tasikmalaya,10 kab Tasikmalaya jeung 1 kab Kuningan..Hendi netelakeun sertifikasi guru ngarupakeun amanat UU.No.14 Tahun 2005 ngeunaan guru jeung dosen. PP no 74 taun 2008 yen guru dikudukeun profesional,mibanda kualifikasi akademik sakurang-kurangna S1 atawa Diploma IV turta mibanda sertifikat pendidik. “ Salah sahiji pola sertifikasi guru dina jabatan nyaeta Pendidikan jeung Pelatihan Profesi Guru (PLPG) diselenggarakeun ku perguruan tinggi nu mibanda program pengadaan tenaga kependidikan geus terakreditasi turta ditetepkeun ku pemerintah “ ceuk Hendi.(Suherman.S).-
