KKM UIN SGD Bandung 2015
Ketua LP2M ( Lembaga Penelitian & Pengabdian Masyarakat) Universitas Islam Negeri (UIN) Sunan Gunung Djati (SGD) Bandung Dr.H.Sukriyadi Sambas,M.Si dijejeran Ketua Pelaksana Kuliah Kerja Mahasiswa (KKM) taun akademik 2015 Dr.Undang Ahmad Kamaludin,M.Ag di kampus Jl.A.H.Nasution 105 Bandung netelakeun ti mimiti tanggal 28 Januari nepi ka tanggal 28 Februari 2015 aya kurang leuwih 3.312 mahasiswa ti sababaraha Fakultas UIN SGD Bandung angkatan 2011 sarta geus rengse semester 7 atawa 75 % jumlah SKS miluan KKM lumangsung di tilu kabupaten nyaeta di kabupaten Garut,Tasikmalaya jeung Ciamis.“ Diharepkeun hadirna mahasiswa UIN SGD Bandung ku ngaliwatan KKM ieu bisa milu aub nyiptakeun revolusi mental masarakat madani luyu jeung tema KKM 2015 nyaeta Mengabdi Menuju Terciptanya Revolusi Mental Masyarakat Madani”.ceuk Sukriyadi saperti diberitakeun Koran Giwangkara. Numutkeun Sukriyadi hal ieu teh dina raraga lian ti ngawujudkeun tujuan UIN SGD Bandung kaselengegarakeunnana pendidikan tinggi profesional,akuntabel mibanda daya saingan di tingkat nasional jeung internasional nu dibutuhkeun ku masarakat sarta ka nu ngagunakeun jasa pendidikan tinggi. Lian ti kitu ngawujudna sivitas akademika mibanda akhlakul karimah sarta kabentukna manusa terdidik (alumni) akhlakul karimah turta profesional dina widang ilmu kaislaman sarta umum luyu jeung kabutuhan pasar bari mampu ngamangfaatkeun kailmuan,profesionalismena pikeun ngamekarkeun masarakat madani .demokratis dipirig ku kaadilan.(Suherman.S
