Beubeunangan SHU Kopkar Kopertis IV Ngaleuwihan Target
Ketua Koperasi Karyawan (Kopkar) Kopertis IV Jabar & Banten Hj.Ani Kenangasari,SE,M.Si,Ak netelakeun kaayaan Kopkar Kopertis IV kiwari terus mekar turta aya dina kamajuam sarta hasil usahana rada ngaronjat. “Syarat paling utama ngamekarkeun koperasi kudu tetep panceg ngeumbing kana tujuan koperasi nyaeta ngamekarkeun turta ngaraharjakeun rumah tangga anggota”.pokna waktu acara Rapat Anggota Taunan (RAT) taun buku 2014 lumangsung Salasa 17 Maret 2015 di aula Kopertis IV Jl.PH.Hasan Mustopa No.34 Bandung , dina ieu kasempetan dijereran rengrengan Pengurus Wakil Ketua: Hj.Suarny Amran,SH,MH, Sekretaris I :Suroso,SH,Bendahara I:Drs.H.Gugun Sodik,M.Sc,Bendahara II:Hj.Ongky Mustika,Ketua Pengawas: Dr.Subahi Idris,MM (salaku Sekretaris Pelaksana Kopertis IV),Sekretaris Pengawas:Dr.H.Purwadhi,Anggota Pengawas Drs.H.Basir Habib,M.Si,Ak,CA, Drs.Tia Sugiri,ST.M.Pd,Muharam Wirakusumah S.Sos jeung Manager Oman Rohman,SE. RAT nyokot tema “ Mendorong Untuk Kembali Berkoperasi “ ngabahas laporan pertanggungjawaban Pengurus & Pengawas Kopkar Kopertis Wilayah IV taun buku 2014 sarta program kerja jeung Rencana Anggaran Pendapatan & Belanja (RAPB) taun buku 2015.
Numutkeun Ani saperti diberitakeun Koran Giwangkara sok sanajan Kopkar Kopertis IV geus mekar salila ieu nyaeta 34 taun ti mimiti ngadegna 5 September 1981, tapi tong agul bari jeung boga rasa ngagampangkeun yen pikeun taun kahareupna bakal leuwih gampang ngokolakeun koperasi,kulantaran koperasi geus asup kana jaman bisnis nu leuwih lega sarta bakal loba ngalibetkeun pihak katilu.Kukituna lian ti sakabeh pihak kudu leuwih manteng turta beuki pageuh ngeumbing kana tujuan koperasi salaku tjuan kolektif. Oge di koperasi aya ngarumpulna sajumlah kakayaan nu anggota kudu dimangfaatkeun keur kapentingan anggota jeung gerakan koperasi.
Ani netelakeun sakabeh target beubeunangan Kopkar Kopertis IV salila taun buku 2014 ngaleuwihan target tinu direncanakeun gedena Rp.152.975.119,- atawa 12 %.Sedengkeun beban-beban dianggarkeun Rp.979.035.900,- ari nu kapakena ngan Rp.965.722,945,-. Jadi aya efesiensi beban gedena Rp.13.313.405,- atawa gedena 1,36 % tina rencana beban tinu geus ditetepkeun .Nyakitu deui Sisa Hasil Usaha ( SHU) na ngaleuwihan target tinu diancokeun Rp.1.254.481,294,- realisasina meunang Rp.1.407.456,413,-. Direncanakeun beubeunangan SHU pikeun taun buku 2015 leuwih ngaronjat deui nyaeta kudu meunang Rp.1.422.844.768,- . “Diharepkeun partisipasi aktif ti sakabeh anggota turta kakompakan pengurus mibanda peranan penting sangkan sakabeh program kerja nu geus disusun bisa karealisasikeun sacara hade”. Ceuk Ani.(Suherman.S).-