Lulusan Akademi Tata Boga Bandung Kudu Mampu Nyiptakeun Produk Dahareun & Inuman Anyar

Upacara Wisuda Akademi Tata Boga Bandung (ATB)   dina  raraga  ngistrenan 77 wisudawan angkatan  Ka 13 Tahun 2017  ngawengku asalna  ti Program Studi Diploma III  Konsentrasi Tata Boga jeung  Diploma  I  Konsentrasi Tata Boga lumangsung Salasa 31 Oktober 2017 di Rumah Makan Ponyo Jl.Raya Cinunuk No.186 Cileunyi Kabupaten Bandung. Kagiatan upacara saperti diberitakeun Koran Giwangkara  dimimitian  pembacaan   ayat suci Alqur’an Surat Ibrahim ayat 32 -34 jeung  7  ku  Qori  M.Afif Saepudin sarta Syaritilawah ku Nadiah Dwi Sri Suryanti.diluuhan  Direktur Akademi Tata Boga Bandung  Yudha Abubakar S.Sos M.Pd,Ketua Yayasan Al Amanah Cileunyi H.Dadang Supriatna,BE sarta diluuhan  pejabat . Kopertis Wilayah IV Jabar & Banten  Suherman S.Sos,M.Si nyuluran Koordinator Prof.Dr Uman Suherman,A.S,M.Pd   jeung  pejabat ti Aptisi Jabar. Yudha Abubakar dina biantarana netelakeun ATB rek terus satekah polah  ngupayakeun nyitak para lulusan nu siap pake turta mibanda kualitas.  Tarekah dilakukeun sagemblengna ngomean  tina sagala rupa aspek boh akademik sumber daya manusia ,kemahasiswaan,keuangan nyakitu deui fasilitas akademik pikeun ngagampangkeun proses pembelajaranna.  Ngomean sakabeh  aspek Insya Allah bakal  terus dilakukan pikeun  ngimbangi mekarna  industri  terus robah  jeung tangtuna  pikeun  ningkatkeunn kualitas lulusan.Pihakna   miharep lulusan ATB  bisa mampu saingan sarta   bisa  adaftasi jeung  bekel ilmu  geus  dipibanda salila kuliah di kampus ATB .

Ayeuna para lulusan ATB  geus  robah status  tina mahasiswa jadi akhli pratama jeung  akhli madya status ieu otomatis ngarobah   tanggungjawab  saacanna ngalakukeun tugas  pikeun nyumponan pamenta akademik tapi ayeuna  tugasna  kaitanna  jeung  tanggung jawab social.  Numutkeun Yudha Abubakar  kiwari  Indonesia geus  asup ka  gerbang Masarakat Ekonomi  Asean (MEA) 2015 di ranah  ieu nimbulkeun saingan di sagala  rupa hal kaasup  nu luyu  kaitanna  jeung lembaga   nyaeta produk dahareun jeung  inuman dimana produk lokal bakal  saingan  jeung produk asing tangtuna kudu nyiapkeun diri kana  kondisina  sangkan   produk asing henteu   ngadominasi di  lemah cai urang. “ Salaku praktisi  siap pake dina  upaya ngarealisasikeunn tanggung jawab sosial kontribusi  lulusan ATB kana  kondisi ieu nyaeta salah sahijina kudu mampu nyiptakeun produk dahareun  jeung inuman anu up to date atawa anyar turta mibanda kualitas mampu saingan  jeung  produk asing “.ceuk Yudha Abubakar.Diakuina memang lain hal gampang ,tapi ku sumanget nu soson soson dibarengan ku potensi  dipibanda  henteu mustahil bakal  mampu ngawujudkeun cita-cita na.,samalah  mah  ngarupakeun  hal luar biasa  saupama mampu saingan nobros  pasar asing kulantaran pemerintah geus  ngafasilitasi ku muka luang kudu  dimanfaatkeun  sacara maksimal.(Suherman.S).-