Taat Kana UU.No.25.Thn 1992 Pasal 26 Ayat 1 & 2 Koperasi Guru Pegawai SMPN 22 Bandung
Koperasi Guru Pegawai (KGP) Sekolah Memengah Pertama Negeri (SMPN) 22 Bandung poe Senen 21 Maret 2016 `ngalaksanakan kagiatan acara Rapat Anggota Taunan (RAT) Taun buku 2015 lumangsung di SMPN 22 Bandung JL.W.R.Supratman No.24 Bandung. Kagiatan acara dijejeran Kepala SMPN 22 Bandung Rida Indriawaty S.Pd,M.Si salaku Pembina sarta Ambiyati ti Dinas Koperasi Perindustrian Perdagangan & UKM kota Bandung jeung Ketua Pusat Koperasi Pegawai Republik Indonesia (PKPRI) kota Bandung Drs.H.Sanusi Sukarma,M.BA sarta diluuhan Sekretaris I. Deny Haryanto.S.Pd mingpin RAT nyuluran Ketua Cecep Maskur M.M.Pd kulantaran sabaraha bulan kaliwat dimutasi nyangking kalungguhan Kepala SMPN 29 Bandung.Turta rengrengan Pengurus ngawengku Sekretaris II : Mamah Sukmailah ,M.Pd ,Bendahara I : Eem Suhaemi,S.Pd,Bendahara II : Tasliyah,S.Pd,Pembantu Umum : Hj.T.Sumiarsih,S.Ag, Ketua Badan Pemeriksa (BP) : Ceuceu Rohanah,S.Pd,Sekretaris BP: Atit Sri Lestari,S.Pd. Anggota BP: Iis Rohaeni,S.Pd jeung ondangan anggota..Kagiatan acara munggaran RAT didugikeun biantara Kepala SMPN 22 Bandung Rida Indriawaty.S.Pd,M.Si salaku Pembina ngajelaskeun yen RAT nyaeta kagiatan wajib dilaksanakeunn di koperasi kulantaran salah sahiji kagiatan engkena bakal ngahasilkeun tujuan akhir koperasi mibanda azas kakulawargaan mampu ngaraharjakeun bisa kacumponan ku ngaliwatan anggota koperasi. Luyu jeung tujuan koperasi satiap anggota mibanda hak jeung kawajiban ngahiruphuripkeun ngawaluyakeun koperasi ku sagala rupa kagiatan-kagiatan nu jadi kasapukan sakabeh anggota ,tapi mungkin wae dina lumakuna aya hal-hal nu memang sulit.“ Kukituna dina RAT ieu simkuring miharep ka a ggota sangkan bisa mere bongbolongan supaya Koperasi Guru & Pegawai SMPN 22 Bandung leuwih maju deui”.ceuk Rida Indriawaty.
Sedengkeun Sekretaris I Deny Haryanto,S.Pd dina laporan pertanggungjawaban pengurus taun buku 2015 saperti diberitakeun Koran Giwangkara ngebrehkeun pengurus KGP SMPN 22 Bandung salawasna taat merhatikeun parentah Undang-Undang Nomor 25 Taun 1992 pasal 26 ayat 1 & 2 ngaamanatkeun yen Rapat Anggota wajib dilaksanakeun saeutikna sakali dina sataun pikeun ngalaporkeun kinerja nu geus dilakukeun sacara berkala ka anggota ku ngaliwatan RAT. Saperti laporan RAT taun buku 2015 ieu ngarupakeun barometer mekarna KGP SMPN 22 Bandung.Numumutkeun Deny KGP SMPN 22 Bandung geus mere kagiatan nyata ka 77 anggota nyaeta guru,karyawan,pegawai SMPN 22 Bandung boh ti widang usaha simpan pinjam salila ieu nginjeumkeun duit maksimal Rp.40.000.000,-,sarta ti usaha penjualan barang sarta Kantin Siswa jeung Alat Tulis Kator (ATK).“ Sangkan kagiatanna leuwih maju deui perlu rojongan ti sababaraha pihak ,kulantaran maju mundurna KGP SMPN 22 Bandung kacida ditangtukeun ku rojongan pembina,profesionalisme jeung tanggungjawab pengurus sarta Badan Pemeriksa (BP) jeung kapadulian sakabeh anggota. Kukituna disarankeun ka sakabeh pihak pikeun ngarojong sagala rupa kagiatan usahana sangkan leuwih maju(Suherman.S).-
