PKPRI Kota Bandung Ngayakeun RAT di Batu Malang
Minangka realisasi saperti diamanatkeumn ku para anggota RAT taun buku 2011 kaliwat sarta waktu ngabahas rencana kerja jeung rencana anggaran belanja 2013 diantara putusanna nyaeta kagiatan acara rapat taun buku 2012 dilaksanakeun di kota Malang sakalian program wisata teh geuningan kalaksanakeun oge ceuk salah saurang anggota diantara sajumlah rombongan poe Minggu isuk-isuk 12 Mei 2013 waktu kumpul diburuan kantor Pusat Koperasi Pegawai Republik Indonesia (PKPRI) kota Bandung Jalan Soekarna-Hatta No.470 Bandung waktu rek miang. Sajumlah rombongan nu miang miluan kagiatan trayek “ Bromo-Blitar- Batu Malang Tour” 12 – 17 Mei 2013 ngagunakeun 5 beus. aya 185 urang kulawarga besar seuweu siwi PKPRI kota Bandung ti anggota 63 primer tina sajumlah 88 primer jadi 76,6 % hadir di RAT.Ari kagiatan RAT na taun buku 2012 lumangsung Senen 13 Mei 2013 di Batu Wonderland Water Resort Hotel Jl.Imam Bonjol No.09 Malang dipimpin Ketua PKPRI kota Bandung Drs.H.Zainal Abidin,S,MM,M.Sc dijejeran rengrengan pengurus,pengawas,manajer Drs.H.Deddy Oktiadi,SE sarta diluuhan Ketua Dekopinda Kota Bandung H.Usep Sumarno,SH,SE,MM, Kepala Bank Kesehjahteraan Ekonomi kota Bandung Vijay Baluh,SE jeung Ketua Gabungan Koperasi Pegawai Republik Indonesia (GKPRI) Jabar H.Gunarto,SH,MA ngadugikeun biantarana sakalian muka acara RAT.
Dina biantarana Zainal Abidin saperti diberitakeun di Koran Giwangkara netelakeun usaha nu dilaksanakeun ngawengku USP Simpan Pinjam,LPG,Hotel Parakan Wangi jeung usaha-usaha sejenna Alhamdullilah masih lumangsung lancar jeung sehat.Oge prestasi tina keuangan dina pelayanan ka anggota terus ditingkatkeun bisa nyiptakeun iklim hade jeung kondusif.“Tarekah nu geus dilaksanakeun ku PKPRI kota Bandung dina ngajalankeun roda perekonomian beubeunangan hasilna ngagumbirakeun rada ngaronjat sok sanajan ngan 7,8 % dibandingkeun jeung taun nu kaliwat.”.ceuk Zainal.Sarengsena ngalaksanakeun RAT nu geus ngahasilkeun kaputusan rapat lian ti para anggota sapuk kana laporan pertanggungjawaban pengurus,pengawas taun usaha 2012 sarta satuju rek ngamekarkeun ngadirikeun Badan usaha anyar bentukna Perseroan Terbatas (PT) salila henteu pagedug jeung UU.No.17 Taun 2012 ngeunaan koperasi jeung Anggaran Dasar sarta Anggaran Rumah Tangga PKPRI kota Bandung nu operasionalna dilakukeukeun ku pengurus PKPRI kota Bandung sarta usaha LPG 12 Kg ngarupakeun bagian tina usaha Elpiji sangkan ditawarkeun ka peminat pikeun dijual atawa dialihtangankeun ka pihak sejen nyakitu deui kacida satuju pisan usaha tanah kavling di Ngamprah Kabupaten Bandung Barat sangkan penjualanna langsung atawa ngaliwatan kerjasama pihak katilu.
Saterusna dutuluykeun kagiatan acara program wisata ka sababaraha obyek wisata disabudeureun Batu Malang sarta samemeh mulang rombongan ka Bandung 17 Mei 2013 sempet heula ngalaksanakeun acara renungan malam lumangsung Rebo jam 8.30 WIB dipimpin Sekretaris PKPRI kota Bandung Drs.H.Kustiwa Benoputra,M.Pd. nu intina minangka sujud syukur ka Allah SWT ngalenyepan nyoreang bihari kaayaan katukang ngeunaan PKRI,harita ngaranna Pusat Koperasi Pegawai Negeri (PKPN) kota Bandung tug dugi ka kiwari mulus rahayu berkah salamet panjang umurna nyaeta ayeuna panceg 50 tahun, atawa ulang taun emas. Salila perjalanan sajarahna romantika pait peuheurna kahirupna tangtuna loba disorang,boh fasilitas kantor nu awalna mah ti taun ka taun terus ngontrak nu akhirna mibanda gedong kantor sorangan. sarta pernah ngalaman kaprihatinan stagnasi tahun 1963- 1965 balukar situasi politik sarta ngalakonan sababaraha kali ganti Undang-Undang koperasi ti mimiti Undang-Undang Perkumpulan Koperasi No.79 Taun 1959, UU No.14 Taun 1965,UU.No.12 Taun 1967, UU.25 Taun 1992 nepi ka UU Koperasi nu anyar nyaeta UU.No.17 Taun 2012 nu dirasakeun ku pengurus turta anggotana tug nepi kiwari ti mimiti ngadegna pupuhuna atawa Ketuanaa geus tujuh kali ganti Ketua .nyaeta nu mimiti Ketua PKPN kota Bandung taun 1961 -1963 Sean,Admintratur Manajerna Uyok Abdullah,Ardikusumah Adipraja,Umar Kherudin,Suhendi Natamiharja Administratur Manager Adang, ,Nedi Adipraja, Administateur Manager DeddyOktiadi, Tasria Harjasasmita sarta nu ayeuna Ketua PKPRI kota Bandung Zainal Abidin Manajerna masih tetep Deddy Oktiadi. (Suherman.S).-