Koperasi Pegawai SMAN 22 Bandung Boga Usaha Toko & ATK Hasilna Ngaronjat
Ketua Primer Koperasi Pegawai (Kopeg) SMA Negeri 22 kota Bandung Periode 2016-2018 Dra.Kartini netelakeun kondisi organisasi jeung kalembagaan Kopeg SMAN 22 di Jl.Rajamantri Kulon No.17 A ,kota Bandung ayeuna cukup solid,kokoh, kompak turta struktur jeung pembagian peran dina kapangurusan cukup jelas nu akhirna mampu ngarojong kalaksanakeunnana sagala rupa kagiatan organisasi.“ Perangkat Organisasi Kopeg SMAN 22 Bandung ngawengku Rapat Anggota,Pengurus jeung karyawan lumangsung aya dina kalancaran turta efektif “.Ceuk Kartini netelakeun ka Koran Giwangkara sawatara waktu katukang dijejeran rengrengan pengurus Sekretaris J.Aris Setiawan, Bendahara Lena Herlina,S.Pd, Dra.Tuti Widaningsih, Ketua Pengawas : Uju Juanda,S.Pd,Anggota Pengawas :H.Agus Suprijono,S.Pd sarta Kepala Sekolah SMAN 22 Bandung Yanyan Supriatna R.S. S.Pd salaku Pembina Koperasi.
Numutkeun Kartini kagiatan Rapat dina sataun dilaksanakeun sakali nyaeta Rapat Anggota Taunan (RAT) dina raraga ngabahas laporan keuangan jeung pertanggngjawaban dina ngalaksanakeun tugasna.Kagiatan acara RAT dilaksanakeun luyu jeung katangtuan sarengsena tutup buku bulan Desember. Pikeun taun 2017 RAT geus dilaksanakeun tanggal 23 Pebruari 2017. Sedengkeun Pengurus oge kedudukanna kacida strategis dina manajemen koperasi geus ngalaksanakeun tugas sahade hadena. Nyakitu deui Pengawas salaku komponen manajemen nu meunang tugas ngawas jalanna organisasi jeung usaha dilakukeun ku pengurus geus dilaksanakeun sacara optimal. Hasil gawe pengawas geus dilaporkeun sacara tertulis dina RAT.
Balukar kakompakan pengurus,pengawas sarta rojongan ti 106 anggota ngawengku 50 lalaki jeung 56 awewe kinerja usaha beuki sehat katangen tina simpanan wajib, simpanan sukarela ngaronjat mangaruhan kana beuki hadena aktivitas modal sorangan ,kakayaan bersihna di taun buku 2016 gedena samilyar rupiah leuwih ngaronjat 6,36 % ti taun saacanna sarta volume usaha,tina usaha Toko jeung Alat Tulis Kantor (ATK) beubeunangan kauntungan ngaronjat meunang Rp.276.838,948,- .Ayana peningkatan tina usaha toko ieu akibat tina beuki sadarna anggota mareuli ti koperasi kukituna kakayaanna tuluy nambahan assetna kiwari jumlahna 2 milyar rupiah leuwih Pon kitu deui dina nyadiaan dana pelayanan ka anggota ngaronjat. Kondisi keuangan jeung permodalan khusunan nu aya kaitan jeung kamampuan ngawaragadan organisasi jeung sagala rupa kawajiban kaasup pelayanan ka anggota masih bisa kacumponan sanajan masih tacan optimal balukar kawatesanna modal kerja. Ari kagiatan dina widang sosial pikeun dana nu gering oge aya dina kalancaran.Kartini ngajentrekeun di widang usaha pengurus rek tetep ngalakukeun sagala tarekah pengawasan jeung pengendalian sangkan sagala rupa usaha nu geus jalan ayeuna bisa optimal hasilna. Sedengkeun di Unit Simpan Pinjam (USP) salaku salah sahiji usaha rek terus diupayakeun sangkan mampu mere pelayanan ka anggota ku jasana teu gede teuing dibandingkeun jeung bank.
Nyigeung Widang pendidikan,pelatihan pihakna ngarasa penting kana Sumber Daya Manusia (SDM) dina ngajaga tumuwuhna koperasi nu sehat jeung tata kelola hade kukituna Kopeg SMA N 22 Bandung geus miluan pendidikan jeung pelatihan diselenggarakeun boh ku Dinas Koperasi &UKM kota Bandung nyakitu deui pelatihan diselenggarakeun PKPRI kota Bandung pikeun ngaronjatkeun kompetensi turta profesionalisme pengurus,pengawas jeng anggota. “ Ari pembinaan anggota dina raraga ngaberdayakeun kalembagaan jeung usaha sangkan bisa ngaronjatkeun peran koperasi salaku gerakan ekonomi rakyat nyakitu deui salaku badan usaha dina ngaraharjakeun anggota dilaksanakeun ngaliwatan dua cara nyaeta pembinaan anggota dina waktu tiap dilaksanakeun RAT sarta pembinaan anggota sacara khusus waktu anggota ngalakeukeun rek nyimpeun jeung nginjeum..Yanyan Supriatna R.S, S.Pd Kepala SMA Negeri 22 Bandung salaku Pembina Koperasi Pegawai (KOPEG) SMAN 22 bandung . netelakeun ti mimiti ngadegna Kopeg SMAN 22 Bandung maksudna pikeun ngaronjatkeun ngaraharjakeun anggota kukituna diharepkeun ka Pengurus Koperasi sangkan bisa ngaronjatkeun deui kamampuan koperasi di Usaha Simpan Pinjamna supaya leuwih gede nambahan nginjeumna sarta ka anggota oge kudu terus aktif kulantaran koperasi usahana lumangsung lancar duit oge bisa terus digolangkeun.(Suherman.S).-