Kadisduknaker Kota Tasikmalaya Imih Misbahul Munir Meunang Gelar Doktor Ti Uninus

Pikeun  Drs.Imih Misbahul Munir M.Si  nu kiwari nyepeng kalungguhan salaku Kepala Dinas Kependudukan Keluarga Berencana &Tenaga  Kerja (Kadisduknaker) Kota Tasikmalaya  bulan Maret  ngarupakeun  bulan karamat sarta  mawa  barokah  mibanda  sajarah  kahirupan ngalengkepanbiografi  dirina  nu moal bisa dipopohokeun. “ Aya sabaraha kajadian dialaman di bulan Maret   nu moal  bisa  dipopohokeun  ti mimiti  lahir, karier gawe   sarta nyuprih elmu  kuliah diantarana wae simkuring  lahir 2 Maret  1964 ti pasangan K.H.Mumu Mutaqin  sarta ibu Hj.Iim Mushinah  di Kampung Aboh Kelurahan  Sukamulya Kecamatan Bungursari kota Tasikmalaya  “.pokna.Ari  dina karier gawe  ceuk Imih nu samemehna ti taun 2008   ngajabat Kepala Dinas Perhubungan Komunikasi & Informatika  kota Tasikmalaya  dimutasi tanggal  2 Maret 2012 diangkat jadi Kadinsosnakertrans  ayeuna  jadi Kadisduknaker.Sedengkeun nyuprih elmu kuliah sarengsena S1 FISIP jurusan Kesehjahteraan Sosial Unpad  sarta  S2 Program studi Magister Ilmu Administrasi Negara Universitas Garut  satuluyna kuliah Doktor di Program Studi Manajemen Pendidikan Universitas Islam Nusantara (Uninus).“ Simkuring  mimiti asup ka Program S3 (Doktor)  Uninus  taun  2011,Alhamdullillah,  sok sanajan pakepuk ripuh  jeung urusan pagawean sarta  keluarga ari dikeureuyeuh  mah  rengse “.pokna saperti diberitakeun Koran Giwangkara. Nu pikabungaheunnana  ceuk Imih nyaeta  ditandeskeun  lulus  sangat memuaskan ku Direktur Program Sarjana Uninus Prof.Dr.H.Achmad Sanusi,M.PA nu oge harita salaku Promotor dibarengan Ko.Promotor Prof.Dr.H.Iim Wasliman,M.Pd jeung angota Promotor  Dr.Yosal Iriantara,M.M.Pd   dina sidang terbuka lumangsung  Rebo 4 Maret 2015 di kampus Uninus Jl.Soekarno Hatta No.530 Bandung..Dina sidang terbukaImih mertahankeun disertasina  “ Implementasi Pendidikan Karakter Di SMA Berbasis Pesantren” (Studi Deskritif Kualitatif Pesantren di Kota Tasikmalaya)”.

Numutkeun Imih dina kasimpulan disertasina netelakeun karakter siswa hasil proses pendidikan SMA  mibanda basis pesantren nyaeta  para generasi ngora  Islam diharepkeun  mibanda kakuatanelmu jeung amalna. Sedengkeun Kompetensi  siswa  nu dihasilkeun nyaeta ngarupakeun integrasi tina pengetahuan (ilmu),nilai jeung sikap (iman) jeung perbuatan (amal).Sedengkeun   pikeun ngamekarkeun  kailmuan pesantren geus mekelan siswa  sangkan jadi manusa nu kompeten,diantarana kamampuhan bahasa Arab jeung Inggris nu aktif  kulantaran  bahasa nyaeta konci dina muka wawasan boh kaelmuan nyakitu deui kaparigelan..“ Ukuran  kaberhasilanna  nyaeta niley  mangfaatna. Hal ieu  impikasina yen pendidikan katerampilan soft skill (karakter siswa) kudu meunang porsi gede tina sakabeh proses pendidikan di pesantren “.tandes Imih.(Suherman.S).-