Wisuda Ka 62 UIN SGD Bandung Ngistrenan 2700 Lulusan

Universitas Islam Negeri  (UIN) Sunan Gunung Djati (SGD) Bandung  ngalaksanakeun  wisuda  ka  62 dina sidang senat terbuka dipimpin rektor UIN SGD Bandung Prof.Dr.H.Mahmud M.Si  ngistrenan 2700 lulusan program S1,S2  jeung S3 lumangsung Minggu 13 September 2015 di gedong Multipupose Jl.A.H.Nasution No.105 Bandung.Sajumlah lulusan ieu masing –masing asalna Ti Fakultas Tarbiyah & Keguruan 657 lulusan, Syariah & Hukum 271 lulusan,Dakwah & Komunikasi 265 lulusan,Ilmu Sosial & Ilmu Politik 275 lulusan,Sains & Teknologi 237 lulusan,Adab & Humaniora 150 lulusan, Psikologi 62 lulusan,Ushuluddin 43 lulusan sarta ti S2 153 lulusan,S3  14 lulusan jeung ti Progran DMS (Tarbiyah & Keguruan) 573 lulusan.

Dina biantarana  Mahmud  miharep ka para wisudawan pikeun ngajadikeun kampus nu leuwih bermartabat,unggul.kompetitif jeung inovatif ieu kudu mibanda filosofi rumput (jukut) . “ Lulusan kudu diibaratkeun saperti filosofi rumput nu mampuh nyejukeun  turta nyegerkeun  lingkungan sabudeureunnana “.pokna saperti diberitakeun Koran Giwangkara.  Mahmud dina ieu kasempetan oge peupeujeuh  sangkan para lulusan UIN SGD Bandung tong  fokus ngan hayang jadi guru,Pegawai Negeri Sipil (PNS)  wungkul,kulantaran  kayaanna kacida  kawatatesanna.Tapi para lulusan kudu jadi tombak utama pikeun jadi leader atawa pimpinan  mere  pencerahan di kahirupan masarakat balarea.

Numutkeun Mahmud  ti mimiti ngadegna UIN SGD Bandung nu saacanna ngaranna Institut Agama Islam Negeri (IAIN) SGD Bandung  para dosen,mahasiswa  jeung karyawan geus meunang tempat husus di masarakat. Hal ieu kudu dibuktikeun ku para lulusan pikeun bisa nyaangan masarakat,utamana tina sisi akhlak. Salah sahijina nyaeta saupama masarakat  mireungeuh aya lulusan UIN SGD Bandung tangtuna kudu siap  pikeun ngabdi di masarakat boh pangajian majelis taklim atawa salaku  penceramah.  “Masarakat tangtuna bakal nawarkeun hal ieu, sok sanajan masarakat can nyaho kana kualitasna . Tapi para lulusan UIN SGD Bandung kudu mampuh ka arah ieu”.pokna. Kukituna inyana miharep para lulusan UIN SGD Bandung  sangkan   mampu ngaimplementasikeun  ilmu nu dipibanda supaya  para lulusan aya  di masarakat balarea mibanda maknajeung bermartabat “.tandes  Mahmud.(Suherman.S).-      

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>