Prof.Dr.Ir.Rokhmin Dahuri,MS : Implementasi Industri 4.0 Kudu DirasakeunMangfaatna Ku Sakabeh Rakyat Indonesia

Guru Besar Fakultas Perikanan & Ilmu Kelautan Institut Pertanian Bogor (IPB) Prof.Dr.Ir. Rokhmin Dahuri MS saperti diberitakeun Koran Giwangkara  netelakeun pemerintahan Kabinet Kerja nu dipingpin Presiden Jokowi jeung Wapres Jusuf Kalla ku ngaliwatan Kementrian Perindustrian geus ngaluncurkeun Peta Jalan Pembangunan Industri Nasional nyaeta branding Making Indonesia 4.0 “ tanggal 4 April 2018 di Jakarta. Peta Jalan ieu mere arah nu jelas pikeun pangwangunan industri nasional pikahareupeun,di jerona  ditegeskeun yen  ti mimiti taun ayeuna 2018 nepi ka taun engke 2030 kudu museur kan lima sektor manufaktur nyaeta industri dahareun,inuman,industri tekstil & pakean,industri kimia,industri otomotif  jeung industri elektronik. Tina lima teknologi utama nu menopang imlemerntasi kalima sektor industri manufaktur ieu dina konteks Revolusi Industri 4.0 (kaopat) nyaeta internet of thigs (IoT), Artifical Intelegence (AI),human machine interface,robotic & sensor sarta 3D printing.

Hal ieu ditetelakeun dina Orasi Ilmiah “ Peningkatan Peran Koperasi Dalam Pembangunan Ekonomi di Era Revolusi 4.0 dalam rangka mewujudkan Indonesia yang Maju Adil Makmur dan Berdaulat “ didugikeun dina acara Dies Natalis Institut Manajemen Koperasi Indonesia (Ikopin) ka 36 lumangsung poe Senen 7 Mei 2018 di Graha Suhardini Kampus Ikopin Jatinangor nu dina ieu kasempetan diluuhan Rektor Ikopin Dr.(HC).Ir.Burhanuddin Abdullah,MA katut rengrengan senat civitas akademika,Ketua Yayasan Pendidikan Koperasi Indonesia (YPK)  DR.Ir.Muhammad Taufiq,M.Sc, Rektor ITB Prof.Dr.Ir.Kadarsah Suryadi,DEA,Rektor UIN SGD Bandung Prof.Dr.H.Mahmud,M.Si,Kepala Dinas Koperasi  & Usaha Kecil Menengah  Provinsi Jawa Barat  Dr.H.Dudi Sudrajat Abdulrachim ,MT jeung tamu ondangan. Numutkeun Rokhmin Dahuri Implementasi “Making Indonesia 4.0 “ saupama berhasil bakal ngaronjatkeun tumuwuhna PDB (Produk Domestik Bruto) riil gedena 1 nepi ka 2 persen per taun,kukituna tumuwuhna ekonomi( PDB)  per taun bakal ngaronjat tina baseline condition (ayeuna) 5 persen jadi 6 nepi ka 7 persen per taun dina periode 2019-2030 . Tina beubeunangan  ieu industri manufaktur bakal berkontribusi gedena 21 nepi  ka 26 persen kana  PDB di 2030.Di sagedengeun eta oge di taun 2030 bakal kabuka lapangan kerja anyar lobana 10 juta urang sarta  besaran ekonomi Indonesia bakal meunang peringkat 10 panggedena sadunya. “ Kukituna desain jeung implementasi Peta Jalan Pembangunan Ekonomi Nasional  (Making Indonesia 4.0)  kudu  dirasakeun  mangfaatna   ku sakabeh rakyat di sakuliah wilayah Negara Kesatuan Republik Indonesia  (NKRI) sacara berkeadilan jeung berkelanjutan. Implementasi Industri 4.0 tong ngan saukur dirasakeun ku   perusahaaan badag (konglomerat) wungkul tapi mangfaatna kudu dirasakeun oge ku Usaha Mikro Kecil & Menengah (UMKM) nu jumlahna leuwih ti 95 % total unit usaha di Indonesia nu sabagian gede masih miskin “pokna.

Rokhmin Dahuri,MS ngajentrekeun ampir kabeh  UMKM (rayat leutik)  susah meunang kredit perbankan (modal),teknologi,infrasstruktur,akses pasar.informasi jeung asset ekonomi produktif lainna.Sedengkeun perusahaan-perusahaan badag (konglomerat) garampang meunang kredit perbankan. Nyutat data ti Kementrian Koperasi  & UKM coba bayangkeun  UMKM nu jumlahna leuwih ti 95 %  tina total usaha nu aya di Indonesia nu meunang kredit perbankan  kurang ti 15 %  total kredit perbankan dikucurkeun dina taun 2017 .Sedengkeun kredit perbankan  kacida gede 85 % dinikmati ku perusahaan-perusahan badag (konglomerat) nu  jumlahna kurang ti 5 % total unit usaha. Hal ieu ngabalukarkeun ketimpangan sosial ekonomi.  Kulantaran kitu koperasi salaku salah sahiji soko guru ekonomi Indonesia,lian ti perusahaan swasta jeung BUMN ngarupakeun lembaga paling tepat pikeun ngungkulan katimpangan sosial ekonomi,kulantaran falsafah dasar koperasi nyaeta ti anggota pikeun anggota,ngandung harti kauntungan (profit) dibagikeun deui  kasakabeh anggota sacara transparan jeung berkeadilan kulantaran tujuan koperasi saperti kaunggel dina U.U.No.25 Taun 1992 ngeunaan Perkoperasian nyaeta pikeun ngamajukeun ngaraharjakeun  anggota  hususna jeung masarakat  umumna sarta milu ngawangun tatanan perekonomian nasional pikeun ngawujudkeun masarakat nu maju,adil jeung makmur dumasar kana Pancasila jeung UUD 1945.

Dina ieu kasempetan Rokhmin Dahuri ngingetan  ka lembaga jeung insan koperasi luyu jeung mekarna zaman  turta IPTEKS di  era Industri 4.0 sangkan mentransformasi dirina pikeun ngebebenah organisasi jeung strategi bisnisna .Aya opat lengkah  strategi  trasformasi nu kudu di  dilaksanakeun nyaeta nu Kahiji modernisasi organisasi jeung manajemen ku cara ngalakukeun organizational reengineering nu mibanda basis kana sstem operasi nu gancang,gampang,trasparan turta mibanda akuntabilitas hade pikeun ngawangun kapercayaan anggota. Kadua ngamangfaatkeun teknologi informasi dina ngokolakeun bisnis mibanda sistem aplikasi nu ngagampangkeun anggota meunang pelayanan usaha koperasi. Katilu fokus ngamekarkeun bisnis  didadasaran kana skala jeung kelayakan ekonomi jeung nangkep satiap luang bisnis nu aya. “ Sedengkeun nu Kaopat ngawangun close look economy dina koperasi nu captime market sangkan koperasi mibanda bargaining position  kuat. Koperasi oge kudu ngajalankeun prinsif-prinsif sarta niley koperasi dina tata kelola organisasi jeung bisnisna sacara konsisten jeung serius “.Ceuk Rokhmin Dahuri nu oge salaku Ketua Umum Masyarakat Akuakultur Indonesia,Vice Chairman of International Scientific Advisory Board of Center for Sustainable Coastal and Ocean Development,Universitas Bremen,Germany,Honoray Ambassador of Jeju Islads ,Republic of Korea jeung Menteri Kelautan & Perikanan  Periode 2001-2004.(Suherman.S).-

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>