Prof.Dr.Ir.H.Abdul Hakim Halim M.Sc : Kaayan PTS Can Nyugemakeun Masih Perlu Diomean

Koordinator Kopertis Wilayah IV Jabar & Banten Prof.Dr.Ir.H.Abdul Hakim  Halim M.Sc nembrakeun Perguruan Tinggi Swasta (PTS) di wewengkon wilayah gawena kiwari kacatet jumlahna aya 493 PTS ngawengku universitas,institut,sekolah tinggi,akademi jeung politeknik. “ Tina sajumlah eta  kayaanna can nyugemakeun kulantaran statusna ngan aya 447 aktif,45 masih non aktif. Nyakitu deui aya 24 alih bentuk,13 alih kelola, 10 merger sarta 5 dihapus.Kukituna masih perlu terus diomeaan ku cara ngalakukeun penataan institusional “.pokna dina biantarana  acara Rapat Kerja Daerah (Rakerda) Kopertis Wilayah IV taun 2015  nyokot tema “ Menuju Administrasi Akademik Perguruan Tinggi Yang Akuntabel “ lumangsung Sabtu 1 Agustus 2015 di Hotel Harris Jl.Peta No.241 Bandung.

Dina ieu kasempetan diiluan 463 peserta rektor,ketua,direktur PTS sarta diluuhan Sekjen Kemenristekdikti Prof.Intan Ahmad Ph.D ngadugikeun materi  “ Rencana Strategis Kementerian Riset,Teknologi & Pendidikan Tinggi 2015-2019”. Numutkeun Abdul Hakim Halim perluna penataan instusional  ieu teh disagedengeun dina raraga ngaronjatkeun  ajen  atawa mutu Tridharma perguruan tinggi  sarta dina raraga tertib administrasi,tata kelola manajemen   jeung leadership..Pikeun ngarojong tarekah penataan  institusional perguruan tinggi perlu ngawangun basis data,sistem informasi/sistem pangrojongna kaputusanna nu nyumponan. Nyakitu deui sistem basis data  diwangun sahenteuna nedunan sistem pendataan pikeun ngalumakukeun standar nasional  pendidikan tinggi jeung integritas akademik kudu jadi platform penataan institusional.

Abdul Hakim Halim saperti diberitakeun Koran Giwangkara ngebrehkeun  masih  ayana dipangihan PTS  ngalanggar hukum diantara wae  masih aya mahasiswa fiktif  jeung historis pembelajaranna henteu aya. Pindahan mahasiswa henteu izin,konversi tanpa aturan,konversi ti pendidikan non –formal ka program studi (pendidikan formal),pendidikan S1 direngsekeun ngan sataun. Pembelajaran D3 ( mibanda izin pendirian prodi) di perguruan tinggi tapi meunang gelar S1 (mibanda izin pendirian ) ti perguruan tinggi sejen ayana di kota sejen. Peserta kursus tapi meunang gelar D3 ti perguruan tinggi,masih aya kelas jauh sakali saminggu pikeun program S1di tempat belajar nu henteu nedunan syarat,perkuliahan dipadatkan 2 poe,ijazah palsu dimedalkeun  lembaga lain perguruan tinggi tapi ngatasnamakeun perguruan tinggi.Sangsi hukum  tangtuna bakal ditibankeun ka PTS nu ngalanggar hukum boh  Ringan peringatan jeung wasdalbin. Sedang: dinon-aktifkeun jeung Berat : pencabutan izin prodi/perguruan tinggi.

Inyana ngingetan  ka status perguruan tinggi masih non aktif sangkan sagancangna nyieun laporan akademik,kulantaran  konsekuensi hukum  status perguruan tinggi non aktif  henteu meunang narima mahasiswa anyar,henteu meunang layanan Kemenristek Dikti jeung henteu meunang ngalaksanakeun wisuda. “ Pon kitu deui simkuring peupeujeuh  dina waktu deukeut ka hareup  pikeun PTS nu masih masalah standar minimum  dosen ( rasio dosen-mahasiswa perlu sagancangna direngsekeun  kulantaran sangsi hukumna PTS na bisa dinonaktifkeun “.ceuk Abdul Hakim Halim.(Suherman.S).-

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>