Pengurus Koperasi Mimitran Dikukuhkeun Deui Pikeun Periode 2017-2019

Salah sahiji Koperasi di kota Bandung pangheulana  ngayakeun Rapat Anggota Taunan (RAT) nyaeta Koperasi “ Mimitran “. Koperasi ieu kaasup Koperasi Pegawai Republik Indonesia (KPRI)  anggotana ngawengku  Tenaga Pendidik & Kependidikan  Kecamatan Sukasari kota Bandung.“ Alhamdullilah, Koperasi “Mimitran” geus ngalaksanakeun RAT tepat waktu dilaksanakaun poe Saptu 31 Desember 2016 pas pisan di akhir tutup buku “. Ceuk H.Nanan Warya netelakeun  ka Koran Giwangkara  sarengsena    RAT taun buku 2016 lumangsung di Rohangan SDN Isola  1- 2 Jl.Gegerkalong Girang No.12  Kota Bandung nu dina ieu kasempetan diluuhan Pejabat Dinas Koperasi & UKM Kota Bandung Hj.Eulis Karmani,SE,MM ,Sekretaris Pusat Koperasi Pegawai Republik Indonesia (PKPRI kota Bandung Drs.H.Kustiwa Benoputra M.Pd ,Kasi Dikmas Kecamatan Sukasari Dra.Pipih Satipah,ngawakilan  camat Sukasari Drs.H.M.Zamzam Nurzaman, M.Si, Ketua PGRI Kecamatan Sukasari Wasis Aji Budhi,S.Pd,MM jeung Ketua Dekopinda kota Bandung H.Usep Sumarno,SH,SE,MM,M.Si.

Nanan netelakeun aya tilu agenda penting geus dilakanakeun di RAT nyokot tema “ Sinergitas Kinerja,Disiplin Dan Profesionalitas Pengurus Anggota Merupakan Unsur Utama Terwujudnya Koperasi Mandiri Kompetitif Dan Sejahtera”  turta  meunang kasapukan ditarima turta disyahkeun ku anggota nyaeta kahiji Laporan Pertanggungjawaban Pengurus, Pengawas taun buku 2016 mangsa Kepengerusan  Periode 2014-2016 , kadua ngabahas Rancangan Rencana Kerja taun 2017 sarta  katilu agenda  pemilihan pengurus pengawas kulantran Kepengurusan Periode 2014-2016 geus  rengse tugasna nu hasilna sacara aklamasi dikukuhkeun deui pikeun nyangking kalungguhan mangsa periode 2017-2019.  “ Simkuring  ngahaturkeun nuhun ka Allah Swt  nu tangtosna ieu ngarupikeun  amanah, janten  sanes anugrah.Moga-Moga  simkuring sareng para rengrengan saparakanca  tiasa ngalaksanakeun  amanah ieu turta  ngajalankeunna  henteu cueut kanu hideung henteu bonteng kanu koneng tapi  nyaah ka sadayana anggota. Oge disuhunkeun kritik ngawangunna sarta moga –moga simkuring bisa ngemban amanah sahade –hadena.”.pokna

Numutkeun Nanan lian ti pengurus kudu amanah  oge  sajumlah  266  anggota koperasina diharepkeun kudu  tetep amanah dimana urang nambut sing enggal ngawangsulkeun deui ,kudu leukeun neundeun,leukeun nginjeum lekeun mulangkeun .Margi saupami tos teu amanah  boh pengurus,pengawas oge anggota koperasi ieu moal maju upami urang teu amanah. Pengurus amanah artos nu dikokolakeun teh sanes artos anjeunna  tapi artos anggota nu kedah didugikeun luyu jeung keperyogian anggota atuh anggota oge dina nambut ka koperasi enggal sanggakeun kumargi wargi-wargi urang oge sami meryogikeun. Kukituna amanah sanes kangge pengurus wungkul namung oge kanggo anggota. Sedengkeun  Ketua Cabang PGRI Kec.Sukasari Wasis Aji Budhi,S.Pd,MM netelakeu  kaayan Koperasi mimitran  tina laporan taun  buku 2016 kaayan lumangsung  lancar jeung sehat, koperasi mibanda modal  gedena 4 Milyar leuwih “ sajumlah ieu ngarupakeun hasil tina modal babarengan anggota  nu geus hasil  dokokolakeun ku pengurus jeung pengawas “ Insya Allah koperasi  bakal terus maju turta ngaraharjakeun anggota sakabehna  kaasup anggotana  saupama dibarengan salawasna  ku amanah “.pokna.

Camat Kecamatan Sukasari Drs. H.M.Zamzam, Nurzaman,M.Si disuluran Dra..Pipih Saltipah  salaku Kasi Dikmas  pihakna  ngiring bingah ku terus majengna koperasi di wilayahna “ Moga-moga prestasi bisa dipertahankeun turta ditingkatkeun .   Sekretaris  PKPRI  Kota Bandung Drs.Kustiwa Benoputra  ngarasa reueus  kulantaran pengurus,pengawas   cukup hade bisa ngalaksanakeun amanah jeung tugasna nepikeun  laporan pertanggujawabanna.” Alhamdullilah  ngeunan buku laporanna cukup kasusun rapi, apik, gampang  dibaca, ringkes, trasparan, katerbukaan kabuktikeun pengurus jeung pengawas ngalaksanakeun tugas sahade-hadena boh ngeunaan  laporan keanggotaan,keuangan,pemodalan, usaha,simpan pinjam ,pelayanan usaha,pengadaan barang,nepi ka Sisa Hasil Usaha (SHU) jumlahna Rp.66 juta,-.

“Kinerja Pengurus Pengawas cukup hade boh ti  laporanna,  Pelaksanaan RAT na  tertib aman sarta ngalaksanakeunn tepat waktu  mungkin wae nu  pangheulana di kota Bandung anggota PKPRI ngalakukeun RAT..Ngomentaran  ngeunan Tema RAT  Koperasi Mimitran  Kustiwa netelakeun aya  tilu hal ditekankeun nyaeta sinegitas, disipilin,prefesionalitas boh pengurus nyakitu deui  anggota.Hal ieu   ngarupakan unsur utama ngawujudna koperasi mandiri kompetitif turta raharja .” Kacida  luar biasa ninggali  tema ieu sok komo aya di tahun 2017 kumaha kondisina,tapi saupama disiapkeun sinegitas,profesionalitas  hade, insya allah koperasi tetep bakal lumangsung samalah ngaronjat,sehat.

Ketua Dekopinda kota Bandung H.Usep Sumarno.SH,SE. MM,M.Si nganiley Koperasi Mimitran kasebut hebat nandakakeun geus alus koperasi  sehat kulantaran  can aya koperasi nu ngayakeunRAT tanggal 31 Desember 2016 . “ Jadi teu aya,, ngan omat  tanggal 30 Desember  mah ulah,eta teu bener sarua jeung  can adzan geus solat,”.  Pokna.  Sedengkeun Pejabat Dinas Koperasi Kota Bandung Hj.Eulis Karmani,SE,MM  ngadugikeun apresiasi ka pengurus Koperasi Mimitran salila tilu taun  pengabdian pikeun ngamajukeun koperasi jeung  ngaraharjakeun  anggota ,mudah-mudahan dijadikeun amal soleh jeung  kapengurusan nu anyar moga moga leuwih ngaronjat deui kinerjana boh kualitas kalembahgaanna permodalan sarta usahana. Salengkepna Pengurus Koperasi Mimitran Periode  2017-2019 ngawengku Ketua H.Nanan Warya,Wakil Ketua: Wasis Aji Budhi,S.Pd,MM,Sekretaris: Drs.Dodi Gondowarsito,Wakil Sekretaris: Iwan Herdiawan,Bendahara : Hj.Cucu Solihat, Karyawan : Iwa Setiawan. Pengawas Koperasi Mimitran Periode 2017-2019 ngawengku Ketua Merangkap Anggota : Drs.Kamil,MM. Anggota : Suhermat Wisastra,S.Pd, ,Anggota: A.Zakaria,S.Pd,M.Si.(Suherman.S).-

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>