Pengurus Koperasi Abdi Karya Bahari Mibanda Amanah SHU Ngaronjat

Kepala Dinas Perikanan & Kelautan Provinsi Jawa Barat Ir.H.Jafar Ismail,MM salaku pembina KPRI ( Koperasi Pegawai Republik Indonesia ) Dinas Perikanan & Kelautan Provinsi Jawa Barat  “ Abdi Karya Bahari “  netelakeun ngarasa reueus ka koperasi salila ieu dibinana di instansina  ti taun ka taun lian ti ngalaksanakeun RAT tepat waktu sarta aya dina kamajuan usahana. “ Alhamdullilah RAT tahun ayeuna saperti taun nu kaliwat salawasna dilaksanakan tepat waktu dina bulan Januari,hal ieu cingcirining pengurusna  mibanda amanah  sarta ngalaksanakeun taat kana  sagala  aturan  aya  di koperasi  nu  mawa hasil Sisa Hasil Usaha (SHU) na terus ngaronjat sarta door prize beuki ngalobaan “ .pokna saperti diberitakeun Koran Giwangkara dina biantarana RAT Taun buku 2015 “ Abdi Karya Bahari “ lumangsung 28 Januari 2016 di aula kantorna Jl.Wastukencana No.17 Bandung, dina ieu kasempetan dijejeran Ketua Koperasi Abdi Karya Bahari  Periode 2013-2015  H.Dede Sunendar,A.PI,MP, Wakil  Ketua II PKPRI (Pusat .Koperasi Pegawai Republik Indonesia)  kota Bandung Muhamad Arifin sarta Kepala Bidang Kelembagaan &  Pelayanan Dinas Koperasi UKM Perindag kota Bandung Hj.Eulis Karmani,SE,MM. Ku geus ngalaksanakeun disiplin nyoko kana aturan dilumakukeun pihak Dinas Koperasi UKM Perindag kota Bandung Hj.Eulis Karmani ngaraos ngiring bingah kulantaran ayeuna  tina sajumlah  2.558  koperasi mibanda badan hukum di kota Bandung,  masih loba keneh henteu  ngaksanakeun RAT kukituna  masihan apreasiasi  pangajen peunten 100 ka Koperasi “Abdi Karya Bahari.“ Simkuring  ngahaturkeun  nuhun  ka  rengrengan pengurus  geus  ngalaksanakeun  RAT tepat waktu  sarta  mertahankeun  koperasina cukup hade ,pengurusna geus amanah  satekah polah ngaraharjakeun anggotana luyu jeung prinsif koperasi  ,hal ieu perlu dipertahankeun  turta dironjatkeun  kulantaran maju mundurna koperasi gumantung ka anggota sarta ayana  perhatian daria ti  pembinana “ .ceuk Hj.Eulis Karmani.Sedengkeun Ketua Koperasi “Abdi Karya Bahari” H.Dede Suhendar  ngebrehkeun salila taun buku 2015 Alhamdullah ,Koperasi Abdi Karya Bahari geus bisa ngajalankeun kagiatan organisasi turta usahana luyu jeung rencana kerja  utamana dina ngalayanan  sajumlah   206 anggota nyaeta simpan  pinjam jeung usaha sejenna.

Kamajuan usahana cukup signifikan,kulantaran usaha dijalankeun aya dina posisi nguntungkeun hal ieu katangen tina Sisa Hasil Usaha (SHU) na  di taun 2014 ngan Rp.191.820.900,- ari  di taun 2015 ngaronjat Rp.294.914.147,-. Ngaronjatna usahana ieu lian ti ku ayana gawe rancagena pengurus oge rojongan ti pembina  sarta anggota Koperasi Abdi Karya Bahari nu ngarupakeun pemilik dana jeung pengguna jasa  geus partisipasi aktif dina nedunan kawajibanna saperti simpanan jeung kawajiban sejenna.  Nyigeung rencana kerja taun 2016 Dede Suhendar netelakeun lian ti rek ngaronjatkeun peranan seksi usaha,ngaoptimalkeun kinerja pengurus sarta ngaronjatkeun  SDM pengurus,pengawas dina ngokolakeun koperasi ,ngaronjatkeun  gawe bareng  jeung pihak sejen nu saling  nguntungkeun jeung ngaronjatkeun pelayanan ka anggota luyu jeung peraturan nu lumaku  sarta kasapukan anggota  oge nargetkeun usaha kudu meunang  Rp.324.400.000,- ,mudah-mudahan tinekanan.(Suherman.S).-

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>