Ketua LPPM STIE INABA Yoyo Sudaryo Meunang Gelar Doktor
Ketua Lembaga Pengabdian Pada Masyarakat (LPPM) Sekolah Tinggi Ilmu Ekonomi (STIE) INABA Bandung ti mimiti Rebo tanggal 31 Juli 2013 mibanda hak ngagunakeun gelar S3 nambah ngalengkepan ngaranna jadi Dr.Yoyo Sudaryo,SE,MM,Ak ,kulantaran dina ieu kesempetan inyana ditandeskeun lulus meunang gelar Doktor dina widang manajemen pendidikan Program Studi Manajemen Pendidikan Program Pascasarjana Universitas Islam Nusantara (Uninus) Bandung. Hasil kalulusanna geuningan cukup nyugemakeun nyaeta yudicium sangat memuaskan Indek Prestasi Kumulatif (IPK) 3,52 ditandeskeun ku Promotor Prof.Dr.H.Achmad Sanusi,SH,M.P.A dijejeran Ko Promotor Prof.Dr.H.Udin Syaefudin Sa’ud,Ph.D jeung anggota Promotor Dr.H.Didin Wahidin,M.Pd dina sidang ujian terbuka sarengsena promovendus mertahankeu disertasina “ Model Manajemen Kinerja Perguruan Tinggi Dengan Pendekatam Strategic Balanced Scorecard (Studi pada 6 Sekolah Tinggi Ilmu Ekonomi di Kota Bandung) lumangsung di kampus Jl.Soekarno-Hatta No.530 Bandung.
Numutkeun promovendus kelahiran Ciamis 9 Desemnber 1969 ti pasangan bapa H.Djalil Natasunda jeung ibu Hj.Rosih nu jadi kasang tukang dina penelitian ieu teh saperti diberitakeun di Koran Giwangkara nyaeta yen kinerja perguruan tinggi nu kiwari dimekarkeun masih sawates salaku model ngan saukur ngukur kinerjana wungkul ,sedengkeun dina ngamekarkeunnana oge leuwih museur kana kalengkepan struktur indikatorna, nyakitu deui kinerja perguruan tinggi ngan saukur dipersepsikeun dijadikeun ukuran hasil evaluasi kualitas perguruan tinggi dumasar Dirjen Pendidikan Tinggi (Dikti) sarta kinerjana oge masih dilumakukeun sawates ukuran kualitas nu kudu ditenudan manajemen perguruan tinggi pikeun nyumponan regulasi. jeung kinerjana can ditafsirkeun salaku manajemen kinerja nu sakuduna mah diterapkeun boh dina ngudag visi jeung misi masing-masing perguruan tinggi pon kitu deui visi jeung misi pendidikan tinggi ti pemerintah can dipikanyaho ngeunaan validitas tina indikator-indikator kinerjana ngawengku eusina nyakitu deui kontruksina. Kukituna penelitian ieu mibanda tujuan ngamekarkeun hiji model manajemen kinerja perguruan tinggi dumasar Strategic Map Balanced Scarecard ti Kaplan & Norton Balanced Scorecard diperlukeun salaku system manajemen kinerja narekahan turta nerjemahkeun visi,misi jeung strategi organisasi kana aksi nyata dumasar umpan balik sacara internal tina proses bisnis nu dijalankeun sarta sacara eksternal tina hasil respon pelangan nyakitu deui kasehatan keuangan.
“Strategy map ngarupakeun presentase visual tina strategi ngarupakeun aktualisasi Balanced Scorecard ku ngaliwatan ieu diharepken bisa dimekarkeun hiji model manajemen kinerja nu bisa digunakeun pikeun ngaantisipasi saingan bebas di era global,satiap organisasi dituntut pikeun mibanda kamampuan sangkan hasil dina saingan”.ceuk Yoyo alumni S1 Fakultas Ekonomi jurusan Manajemen Unpas jeung Fakultas Ekonomi jurusan Akutansi Uninus,,Program Profesi Akutansi (PPA) Unisba nu kungsi digawe salaku Manager keuangan PT.Aristan Consultan Engineering,dosen tetap Yayasan Indonesia Membangun STIE INABA di Prodi manajemen sarta pangalaman ngajar di PAAP Unpad Program Manajemen Pemasaran Akutansi,STIE Miftahul Huda Subang Pamanukan,STIE Stembi,STIE Galuh Ciamis jeung Fakultas Ekonomi Unbar Bandung. “Dumasar hasil penelitian kaungkab yen visi jeung misi di 6 STIE di Bandung sacara relatif henteu jauh beda sok sanajan mimanda kekhususan masing-masing tapi masih aya kasenjangan antara visi & misi organisasi jeung visi & misi individu salaku bangbaluhna. Ku masalah ieu teh simkuring ngarekomendasikeun sangkan 6 STIE di Bandung bisa ngomean system informasi antara pemilik salaku principal jeung pengelola salaku agent ku ngaliwatan ngamekarkeun good corporate governance sarta mungsikeun motif masing-masing stakeholders salaku penggerak manajemen kinerja.
Satuluyna inyana netelakeun 6 STIEdi Bandung nu dijadikeun penelitianna ngawengku STIE Tridharma,Inaba,Ekuitas,STAN IM, Stembi jeung Pasundan nu mibanda program studi akreditasi B tina total 13 STIE di Bandung ,sedangkan STIE liana program studina akreditasi C. STIE program studi akreditasi B mibanda tingkat saingan leuwih luhur tinimbang STIE program studi akreditasi C. “ Minat calon mahasiswa pikeun nuluykeun studi ka program studi akreditasi B relatif leuwih luhur kulantaran dipersepsikeun ngajanjikeun kualitas pendidikanna leuwih hade “ .teges Yoyo nu sapopoena disagigireun kasibukannana salaku Ketua LPPM STIE INABA di kampus Jl.Soekarno-Hatta No.448 Bandung oge aktif miluan pendidikan latihan seminar regional,nasional salaku peserta jeung penyaji pon kitu deui nulis buku,modul laporan penelitianna geus loba dipublikasikeun .(Suherman.S).-