Dikukuhkeun Pikeun Periode 2018-2020 Pengurus Koperasi Warga Guru Kecamatan Bojongloa Kaler

Rengrengan Pengurus Periode 2015- 2017 ngawengku  Ketua :  Asep Saepuddin S.Pd.I,Wakil Ketua : Hj.Titi Rohaeti,S.Pd,Sekretaris 1 : Eman Sulaeman,S.Pd,M.Si,Sekretaris 2 : Harris Munadjat,S.Ag, Bendahara : Siti Hajar Mekahi Nur,S.Pd jeung Ketua Pengawas H.Maman Sahdi,SP.dI, Anggota Pengawas : Hj.Eros Rosilah,S.P.d, Heri Tirta Praja,S.Pd turta diluuhan Koperasi Warga Guru (KWG) kecamatan Bojongloa Kaler kota Bandung poe Saptu 27 Januari 2018 ngayakeun kagiatan  Rapat Anggota Taunan (RAT) ka 40 lumangsung di Sekolah Dasar Negeri (SDN) 099 Babakan Tarogong,Jl.K.H.Wahid Hasyim No.256 Kelurahan Suka Asih,Kecamatan Bojongloa Kaler kota Bandung nu dina ieu kasempetan dijejeran  Kepala Bidang Kelembagaan & Pemberdayaan Koperasi Dinas Koperasi & UKM kota Bandung Hj.Eulis Karmani,SE,MM, Pengurus Pusat Koperasi Pegawai Republik Indonesia (PKPRI) kota Bandung Mohamad Arifin jeung Pengawas Disdik kota Bandung Drs. Ayin Nurdin.  Kagiatan rapat ngabahas laporan pertanggungjawaban pengurus jeung pengawas taun usaha 2017, Rencana Kerja jeung  Rencana Anggaran Pendapatan Belanja (RAPB)  taun usaha 2018 jeung pemilihan pengurus kulantaran Kepengurusan Periode 2015-2017 geus rengse jabatanna  hasilna 80 % anggota nu hadir di acara RAT  tina sajumlah 215 anggota  sacara aklamasi ngukuhkeun deui pikeun nyangking kalungguhan mangsa bakti periode 2018- 2020. “Atas nami pribadi jeung lembaga simkuring narima amanah sarta kapercantenan ti anggota geus milih deui pikeun kepengurusan 2018-2020,muga muga Alllah S.W.T masihan taufik Hidayah sarta kapamingpinan di periode ieu bisa lumangsung aya dina kalancaran leuwih maju deui bisa ngaronjatkeun usahana turta ngaraharjakeun anggotana henteu nyangsarakeun anggota“.ceuk Asep sarengsena acara pemilihan pengurus netelakeun ka  Koran Giwangkara waktu ditanya kesanna.Numutkeun Asep koperasina salila dipimpin dirasakeun cukup lumayan assetna  terus nambahan  geus  mibanda Rp. 2 milyar leuwih. Kinerja usaha cukup sehat ,katangen tina beuki hadena struktur permodalan ,penambahan asset jeung terus  ngaronjatna kauntungan.Beubeunangan usaha taun 2017  Rp.485.966.241,-sedengkeun di taun saacanna ngan Rp473.023.925,-.Nyakitu deui Sisa Hasil Usaha (SHU) taun 2017 meunang Rp 261.392.741,-ngaronjat 10 %  dibanding taun 2016 Rp 256.908.565,-.

“ Kondisi organisasi jeung kalembagaanna  masih cukup kondusif dina ngarojong aktvitas organisasi jeung  usaha sarta pengurus masih solid,kompak dina ngalakukeun tugasna nyakitu deui partisipasi anggota dina nyumponan  kawajiban organisasi  jeung partisipasi  dina kontribusi modal mayar simpanan anggota cukup disiplin “.pokna. Ari Kepala Bidang Kelembagaan & Pemberdayaan Koperasi Dinas Koperasi & UKM kota Bandung Hj.Eulis Karmani,SE,MM dina biantarana ngadugikeun rasa syukur ka Allah S.W.T yen KWG  Kecamatan Bojongloa Kaler geus bisa ngalaksanakeun RAT tepat waktu di bulan Januari kukituna dibere peunteun 100. Mudah-mudahhan amal soleh pengurus jeung  anggota dicatet ku  Allah S.W.T jeung  koperasina bisa leuwih maju deui.Ku dilaksanakeun RAT tepat waktu nembongkeun pelaksanaan akuntabilitas dina ngokolakeun koperasi KWG Kecamatan Bojongloa Kaler geus dilaksanakeun sacara hade.   “ Ngalaksanakeun RAT ngarupakeun amanat Undang-Undang,,sedengkeun Koperasi bisa ngalaksanakeun RAT pengurusna  kudu amanah jeng anggotana oge aktif ,kukituna diharepkeun ka anggota salaku pemilik koperasi  terus ronjatkeun  peran aktif anggota boh nyimpen ,nginjeum  jeung mayar sacara tepat waktu, ku ayana komitmen  dua beulah pihak anggota jeung pengurus insya Allah henteu aya dusta diantara kita, bisa dina aya kalancaran “. Ceuk Eulis Karmani.(Suherman.S).-

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>