Uninus Wisuda 1.008 Lulusan : Program Pendidikanna Ngamumule Ajen Inajen Kaislaman

Universitas Islam Nusantara (Uninus)  kampusna di Jl.Soekarno-Hatta No. 530 Bandung   Sabtu 22 Juni 2013  ngawisuda 1.008 lulusan  taun akademik 2012-2013. Ngistrenan lumangsung dina sidang  terbuka  senat  dipimpin rektor Uninus Dr.H.Didin Wahidin M.Pd   di Gedong  Bandung Convention Centre (BCC)  Jl.Soekarno-Hatta No.354 Bandung nu dina ieu kasempetan diluuhan Koordinator Kopertis Wilayah IV Jabar & Banten Prof.Dr.Ir.H.Abdul Hakim HalimM.Sc , mantan Koordinator Kopertis Wilayah IV Jabar & Banten  Prof.Dr.H.Rochim Suratman, Ketua Umum Ikatan Keluarga Alumni (IKA) Uninus Dr.H.Dada Rosada SH,M.Si nu oge salaku Walikota Bandung ,   sarta Dr.H.Ali Masykur Musa,M.Si,M.Hum salaku Anggota IV Badan Pemeriksa Keuangan Republik Indonesia (BPK RI) ngadugikeun orasina.

Prof.Dr.Ir.H.Abdul Hakim Halim M.Sc : Tina 482 PTS di Jabar & Banten Aya 255 Nu Tacan Legal

Koordinator Perguruan Tinggi Swasta (Kopertis) Wilayah IV Jabar & Banten Prof.Dr.Ir.H.Abdul Hakim Halim M.Sc nembrakeun ngeunaan legalitas penyelenggara lembaga  Perguruan Tinggi Swasta (PTS) geuningan  tina sajumlah 482 Perguruan Tinggi Swasta (PTS) nu aya di wewengkon Kopertis wilayah IV Jabar & Banten diantarana kiwari kacatet kakara   227 PTS nu geus dianggap legal ,sedengkeun sesana nu 255 PTS deui mah dianggap  tacan legal ngandung harti can nyumponan akreditasi  ngarupakeun sistem jaminan mutu atawa .kualitas.

Mahasiswa Jurusan Bahasa Sunda UPI Miluan MTQ Jeung KKN di Jepang

Lian ti aya tiluan mahasiswa ti Jurusan Pendidikan Bahasa Daerah Sunda Universitas Pendidikan Indonesia (UPI) nyaeta Deden Muhidin,Lukman Nul Hakim jeung I.Wahyudi Sofyan salaku utusan kontingen UPI nu miluan Musabaqoh Tilawatil Qur’an (MTQ) di Jambi lumangsung ti Salasa 25 Juni nepi ka 29 Juni 2013 ceuk pupuhu jurusan Dr.Dingding Haerudin M.Pd dijejeran sekretaris jurusan Dr.Hj.Nunuy Nurjanah.M.Pd netelakeun ka Koran Giwangkara di lantai 3 rohangan jurusanna Jl.Setiabudi No.229 Bandung oge aya saurang mahasiswa ti jurusan bahasa sunda ieu teh nyaeta Putri Sri Jayanti salila sabulan ti poe Senen 24 Juni nepi ka 24 Juli 2013 Kuliah Kerja Nyata (KKN) di Jepang.(Suherman.S).-

Wisuda Ikopin Sarta Program Mahasiswa Magang Ka Jepang

Kagiatan acara wisuda Institut  Koperasi Indonesia (Ikopn) nu ka 40 program Diploma  III, Sarjana (S1) jeung  program  S2 Magister Manajemen (MM) ceuk Kepala Bagian Humas & Promosi Ikopin Lucky Kurniasari  S.Sos  dilaksanakeun tanggal 31 Agustus 2013 .Sedengkeun kagiatan sejenna nyaeta aya 60 mahasiwwa Ikopin nu geus  lulus tes Kakunin II dilaksanakeun tanggal 6 Juli 2013 dikamnpus  Ikopin Jatinangor.Tes Kakunin II ngarupakeun tes bahasa Jepang wajib diiluan ku para peserta nu miluan program magang ka Jepang. Numutkeun Lucky netelakeun ka Koran Giwangkara  program magang ka Jepang nyaeta ngarupakeun hiji bentuk  pendidikeun nu madukeun soft skill jeung hard skil,proses belajar akademik  ku pengalaman magang  kerja di Jepang terbimbing sarta meunang insentif. Peserta didik bakal  meunang gelar Sarjana Ekonomi (SE) turta lulus salaku pengusaha mandiri.(Suherman.S).-