Hj.Ani Kenangasari,SE,M.Si,Ak Ketua Koperasi Karyawan Kopertis Wilayah IV Periode 2013- 2017

Koperasi Karyawan (Kopkar) Kopertis Wilayah IV Jabar  & Banten poe Senen 18 Maret 2013  lumangsung di aula Gedong I kantorna Jl.P.H.Hasan Mustopa No.38 Bandung ngalaksanakeun Rapat Anggota Taunan (RAT) taun Buku 2012 nyokot tema  “ Melalui RAT Tahun Buku 2012 Koperasi Karyawan Kopertis Wlayah IV Membina Dan Mengembangkan Kesehjahteraan Anggota Secara Berkelanjutan”. Kagiatan acara  RAT dipingpin  Ketua Kopkar Kopertis Wilayah  IV Periode 2008 – 2012 Dr.H.Purwadi dijejeran rengrengan pengurus katut pengawas,para anggota sarta  diluuhan  Koordinator Kopertis Wilayah IV Jabar & Banten Prof.Dr.Ir.H. Abdul Hakim Halim,M.Sc  salaku Pembina oge  pejabat ti  Dinas  Indag Koperasi & UKM  kota Bandung sarta Drs.H.Asep Nurdin M.Si salaku pengurus Dekopinda  kota Bandung. 

AP2KBKI Gawe Bareng Pasca Sarjana Uninus Ngayakeun Lokakarya Nasional Pendidikan Khusus & Layanan Khusus

Assosiasi Penyelenggara Pendidikan  Khusus Berkebutuhan Khusus Indonesia (AP2KBKI) gawe bareng jeung Program Pasca Sarjana Universitas Islam Nusantara (Uninus) poe Sabtu  6 April 2013 lumangsung di lantai  tilu  aula kampus Jl.Soekarno-Hatta No.530 Bandung  ngayakeun kagiatan acara lokakarya nasional nyokot  tema  “ Implementasi Kebijakan Kemendikbud Tentang Pendidikan Khusus & Layanan Khusus “.  

Mahawarman Unpas & Yayasan Budha Tzu Chi Bandung Bakti Sosial

Komando Resimen Mahasiswa  (Menwa)  Mahawarman  Batalyon IV  Kompi-E Universitas Pasundan (Unpas) gawe bareng jeung Yayasan Budha Tzu Chi Bandung  ngayakeun kagiatan bhakti sosial pelayanan kesehatan sacara  gratis  lumangsung poe Minggu 24 Maret 2013 di   kampus II Unpas Jl,Tamansari No.6- 8 Bandung nu dina ieu kasempetan diluuhan Komandan Kompi E Unpas  Siti Fatma Mega Surya jeung Ketua Tzu Chi Bandung Herman Widjaja sarta  ratusan warga masarakat  kurang mampu  disabeudeureun kampus ngamangfaatkeun kagiatan ieu,harita disampakkeun 7 dokter sarta para relawan   ti Yayasan Budha Tzu Chi Bandung.(Suherman.S).-

Dies ka 45 UIN SGD Bandung

Kagiatan Dies Natalis ka 45 Universitas Islam Negeri (UIN) Sunan Gunung Djati (SGD)  Bandung ceuk Kepala  Humasna Sakrim Mihardja M.Ag netelakeun ka Koran Giwangkara  dilaksanakeun poe Senen 8 April 2013 diluuhan rektor UIN SGD Bandung Prof.Dr.H.Deddy Ismatullah,SH, M.Hum katut civitas academika lumangsung  di kampus II Jl.Soekarno-Hatta  digigireun Gedong Polda Jawa Barat. Dina raraga dies,Pengurus  Badan Pembina  Keolahragaan & Seni (Baporseni) ngayakeun perlombaan futsal,badminton,catur,tenis lapang jeung meja antar unit kerja dilingkungan UIN SGD Bandung ti mimiti 2 nepi ka 5 April 2013 nu kaluar jadi juara umumna nyaeta Fakultas Syariah & Hukum.(Suherman.S).-

Wisuda Uninus Ka 56

Universitas  Islam Nusantara (Uninus) Bandung  ceuk Pembantu Rektor I Uninus Dr.Suhendra Yusuf  MA nu oge salaku Ketua Panitia wisuda Uninus dijejeran  Kepala Humas Uninus Drs.Maman Nurdjaman netelakeun  rek ngalaksanakeun Wisuda Sarjana,Magister jeung Doktor  taun akademik 2012 -2013 nu  ka 56  lumangsung  poe Sabtu 22 Juni 2013  di Gedong Bandung Convention Center (BCC) Jl.Soekarno-Hatta No,354 Bandung40235 Telp.02291697200. Kukituna inyana peupeujeuh turta umajak  ka para wisudawan sangkan sagancangna ngadaftarkeun diri di kampus Uninus Jl.Soekarno-Hatta No.530 Bandung.(Suherman.S).-