20 Mahasiswa Ikopin Rek Meunang Bantuan Pendidikan ti PT Taspen

PT.Taspen (Persero) bakal mere bantuan biaya pendidikan pikeun 20 mahasiswa  Ikopin  Program Studi Sarjana (S1) jeung Diploma ( D3) nu keur masih keneh  aktif kuliah di taun akademik  2014/2015 .Hal ieu ditetelakeun Rektor Ikopin ( Institut Koperasi Indonesia) Dr.(HC).Ir.Burhanuddin Abdulah,MA  dijejeran  Kepala Bagian Humas  & Promosi Ikopin. Lucky Kurniasari S.Sos  di kampus Jatinangor saperti diberitakeun Koran Giwangkara . Syarat pikeun narima bantuan biaya pendidikan diantarana wae masih aktif kuliah di semester nu keur lumangsung  taun akademik 2014/2015 sarta orang tua mahassiswana  digawena salaku Pegawai Negeri Sipil (PNS) atawa Pensiunan PNS Golongan I/II/III (Teu kaasup PNS Kementerian Pertahanan Repubik Indonesia,TNI jeung Polri). Mibanda  Indek Prestasi Kumulatif (IPK)  minimum  3,00 pikeun mahasiswa nu kuliah di Semester II kaluhur sarta umur di waktu dicalonkeun salaku penerima beasiswa  henteu leuwih ti 22 taun.(Suherman.S).-